അറുപത്തിയാറാം വയസ്സില്‍ ആദ്യമായി വോട്ട് രേഖപ്പെടുത്തി വല്ലപ്പുഴ സ്വദേശി ഹംസ. പാലക്കാട് ജില്ലയിലെ ചെറുകോട് എല്‍പി സ്‌കൂളില്‍ 148ാം ബൂത്തിലാണ് അദ്ദേഹം വോട്ട് ചെയ്തത്.

പത്തൊന്‍പതാം  വയസ്സുമുതല്‍ ഹംസ പ്രവാസ ജീവിതം നയിക്കുകയായിരുന്നു. തെരഞ്ഞെടുപ്പ് സമയത്ത് നാട്ടിലെത്താന്‍ കഴിഞ്ഞിരുന്നില്ല. രണ്ട് വര്‍ഷം മുന്‍പ് മാത്രമാണ് പ്രവാസി ജീവിതം അവസാനിപ്പിച്ച് ഹംസ നാട്ടില്‍ സ്ഥിരതാമസമാക്കുന്നത്. അതിനുശേഷം നടന്ന ആദ്യ ഇലക്ഷനില്‍ തന്നെ വോട്ട് ചെയ്യാനും കഴിഞ്ഞു.