നിരവധി ഫീച്ചറുകളാണ് അടുത്തിടെയായി വാട്‌സ്ആപ്പ് കൊണ്ടുവരുന്നത്. ഇപ്പോഴിതാ വാട്‌സ്ആപ്പില്‍ ഇനി ഡയലര്‍ ഫീച്ചറും വരുന്നതായി റിപ്പോര്‍ട്ട്. വാട്‌സ്ആപ്പിനുള്ളില്‍ തന്നെ നമ്പറുകള്‍ അടിച്ച് കോള്‍ ചെയ്യാനുള്ള ഡയലര്‍ ഓപ്ഷന്‍ വരുമെന്ന് റിപ്പോര്‍ട്ടുകള്‍. ഗൂഗിള്‍ ഡയലറിനും ട്രൂകോളറിനും വെല്ലുവിളിയായാണ് വാട്‌സ്ആപ്പ് ഡയലര്‍ അവതരിപ്പിക്കുന്നത്. നമ്പറുകള്‍ സേവ് ചെയ്യാതെ തന്നെ വാട്‌സ്ആപ്പിലൂടെ ആളുകളെ കോള്‍ ചെയ്യാന്‍ ഈ ഫീച്ചര്‍ സഹായിക്കും.

'ഡയലര്‍ ഇന്റര്‍ഫേസിന്റെ' കൃത്യമായ സംയോജനം എവിടെയായിരിക്കുമെന്ന് വെളിപ്പെടുത്തിയിട്ടില്ലെങ്കിലും, വാട്ട്‌സ്ആപ്പിലെ കോള്‍ ടാബില്‍ ഒരു ഡയലര്‍ ഷോര്‍ട്ട്കട്ട് ഉള്‍പ്പെടുത്തുമെന്നാണ് പ്രതീക്ഷിക്കുന്നത്. അതേസമയം, നിലവിലുള്ളതുപോലെ ഇന്റര്‍നെറ്റ് ഉപയോഗപ്പെടുത്തിയാകും ഇവിടെയും കോളുകള്‍ നടക്കുക. കഴിഞ്ഞ ദിവസം ഐഫോണ്‍ ഉപഭോക്താക്കള്‍ക്കായി വാട്ട്‌സാപ്പ്  പാസ് കീ വെരിഫിക്കേഷന്‍ അവതരിപ്പിച്ചിരുന്നു. ആറുമാസങ്ങള്‍ക്ക് മുന്‍പാണ് ആന്‍ഡ്രോയിഡ് പതിപ്പില്‍ ഈ ഫീച്ചര്‍ പരിചയപ്പെടുത്തിയത്.