ഡൽഹിയിൽ മൂന്ന് സ്കൂളുകൾക്ക് നേരെ ബോംബ് ഭീഷണി. ചാണക്യപുരി സംസ്കൃതി സ്കൂൾ, മയൂർ വിഹാറിലെ മദർ മേരി സ്കൂൾ, ഡൽഹി പബ്ലിക് സ്കൂൾ എന്നിവയ്ക്ക് നേരെയാണ് ഭീഷണി ഉണ്ടായത്. ഇമെയിലിലൂടെ വന്ന സന്ദേശത്തെ തുടർന്ന് സ്ഥലത്ത് കർശന പരിശോധന തുടരുകയാണ്. 

സ്കൂളിലുള്ളവരെയെല്ലാം പുറത്തിറക്കി. സമീപ പ്രദേശത്തും ജാഗ്രതാ നിർദേശങ്ങൾ നൽകിയിട്ടുണ്ട്. സ്ഥലത്ത് പോലീസിന്റെയും ബോംബ് സ്ക്വാഡിന്റെയും സംയുക്ത പരിശോധനകളാണ് നടക്കുന്നത്. നിലവിൽ ആശങ്കപ്പെടാൻ ഇല്ലെന്നും സംശയാസ്പദമായി ഒന്നും കണ്ടെത്തിയിട്ടില്ലെന്നും പൊലിസ് പറഞ്ഞു.