കേന്ദ്ര സര്‍വകലാശാലകള്‍ ഉള്‍പ്പെടെയുള്ള രാജ്യത്തെ വിദ്യാഭ്യാസ സ്ഥാപനങ്ങളില്‍ ബിരുദ പ്രവേശനത്തിനുള്ള പൊതുപരീക്ഷ സിയുഇടി യുജി 2024ന് അപേക്ഷിച്ചവര്‍ക്കുള്ള അഡ്മിറ്റ് കാര്‍ഡ് വെബ്‌സൈറ്റില്‍. പരീക്ഷ നടത്തിപ്പുകാരായ നാഷനല്‍ ടെസ്റ്റിങ് ഏജന്‍സിയുടെ വെബ്‌സൈറ്റായ exams.nta.ac.in വഴി ഉദ്യോഗാര്‍ഥികള്‍ക്ക് ഹാള്‍ടിക്കറ്റ് ഡൗണ്‍ലോഡ് ചെയ്‌തെടുക്കാം. സൈറ്റില്‍ ആപ്ലിക്കേഷന്‍ നമ്പര്‍, ജനനതീയതി, എന്നിവ രേഖപ്പെടുത്തണം. പ്രിന്റൗട്ട് എഎടുത്ത ഹാള്‍ടിക്കറ്റിനൊപ്പം അംഗീകൃത തിരിച്ചറിയല്‍ രേഖയും പരീക്ഷ ദിവസം കൈയ്യില്‍ കരുതണം. 

മേയ് 15 മുതല്‍ 24 വരെയാണ് പരീക്ഷ നടക്കുക. വിദേശത്തുള്ള 26 ഉള്‍പ്പെടെ 380 നഗരങ്ങളിലായി പരീക്ഷ നടക്കും. ഇത്തവണ 13.48 ലക്ഷം വിദ്യാര്‍ഥികളാണ് സി.യു.ഇ.ടി യുജിക്കായി അപേക്ഷിച്ചിട്ടുള്ളത്. 

മേയ് 15 മുതല്‍ 18 വരെ നടക്കുന്ന ആദ്യ ഘട്ട പരീക്ഷ എഴുത്ത് പരീക്ഷ മോഡിലാണ് നടക്കുക. ഇതിന്റെ അഡ്മിറ്റ് കാര്‍ഡാണ് ഇപ്പോള്‍ പ്രസിദ്ധീകരിച്ചിരിക്കുന്നത്. മെയ് 21, 22, 24 തീയതികളില്‍ നടക്കുന്ന രണ്ടാം ഘട്ട പരീക്ഷ കമ്പ്യൂട്ടര്‍ അധിഷ്ഠിതമായിരിക്കും. ഇതിന്റെ അഡ്മിറ്റ് കാര്‍ഡും വൈകാതെ പ്രസിദ്ധീകരിക്കും. 

https://exams.nta.ac.in/

വിദ്യാഭ്യാസ വാര്‍ത്തകള്‍ക്ക് ഗ്രൂപ്പില്‍ ജോയിന്‍ ചെയ്യുക