കാസര്‍കോട്: ലഹരി വര്‍ജിക്കൂ ജീവന്‍ രക്ഷിക്കൂ എന്ന പ്രമേയത്തില്‍ എസ്.കെ.എസ്.എസ്.എഫ് ജില്ലാ കമ്മിറ്റി സംഘടിപ്പിക്കുന്ന ത്രൈമാസ ലഹരി വിരുദ്ധ കാംപയിന്‍ മഞ്ചേശ്വരം മച്ചംപാടി സി.എച്ച് നഗറില്‍ തുടങ്ങി.
 കാംപയിന്‍ സയ്യിദ് ത്വാഹ തങ്ങള്‍  മലപ്പുറം ഉദ്ഘാടനം ചെയ്തു. എസ്.കെ.എസ്.എസ്.എഫ് ജില്ലാ ജനറല്‍ സെക്രട്ടറി  ഹാരിസ് ദാരിമി ബെദിര അധ്യക്ഷനായി. കുമ്പള എക്‌സൈസ് ഇന്‍സ്‌പെക്ടര്‍ എം.വി.ബാബുരാജ് വിഷയാവതരണം നടത്തി.
അന്‍വര്‍ അലി ഹുദവി കൊണ്ടോട്ടി മുഖ്യപ്രഭാഷണം നടത്തി. ശംസുല്‍ ഉലമ ഇസ്‌ലാമിക് സെന്റര്‍ ഡയരക്ടര്‍ ഇബ്രാഹിം മദീന, വോര്‍ക്കാടി പഞ്ചായത്ത് പ്രസിഡന്റ് അബ്ദുല്‍ മജീദ്, സയ്യിദ് സൈഫുള്ള തങ്ങള്‍, മുഹമ്മദ് ഫൈസി കജ, ഇസ്മാഈല്‍ മച്ചംപാടി,
ഇസ്മാഈല്‍ അസ്ഹരി, പി.എച്ച്  അസ്ഹരി ആദൂര്‍, ആരിഫ് മച്ചംപാടി, ജില്ലാ പഞ്ചായത്ത് സ്റ്റാന്റിങ്ങ് കമ്മിറ്റി ചെയര്‍മാന്‍ അര്‍ശാദ് വോര്‍ക്കാടി, പി.എച്ച് ഹുസൈനാര്‍ ഹാജി, പി.എച്ച് അബ്ദുല്‍ ഹമീദ് ഹാജി, ഹാരിസ് പാവൂര്‍, മഞ്ചേശ്വരം പഞ്ചായത്ത് മെമ്പര്‍ ഇബ്രാഹിം ഫൈസല്‍ മച്ചംപാടി, മുഹ്‌യുദ്ധീന്‍ അസ്ഹരി, നാസര്‍ യമാനി, അബ്ദുല്‍ അസീസ് ഹാജി മച്ചംപാടി, ഇബ്രാഹിം പി.പി, ഹാരിസ് മച്ചംപാടി, , സ്വാലിഹ് എസ്.യു നഗര്‍, ഹുസൈന്‍ മച്ചംപാടി, നൗഫല്‍ മച്ചംപാടി, നൗശാദ് മച്ചംപാടി, അബ്ബാസ് ബജല്‍, അബ്ദുല്‍ മജീദ് മച്ചംപാടി സംസാരിച്ചു.
കാംപയിന്റ ഭാഗമായി മേഖല തലങ്ങളില്‍ ലഹരി വിരുദ്ധ റാലി, തീരദേശങ്ങളില്‍ കൊളാഷ് പ്രദര്‍ഷനം, ലഹരി വിരുദ്ധ സംഗമം, പ്രതിജ്ഞ, ക്ലസ്റ്റര്‍ തലങ്ങളില്‍ ബഹുജന സംഗമം, ഷോട്ട് മെസേജ്, ശാഖ തലങ്ങളില്‍ ലഘുലേഖ, ഉദ്‌ബോധന സദസ്, ഇബാദ് കമ്മിറ്റി ഖുര്‍ആന്‍ റിഹാബിറ്റേഷന്‍  തുടങ്ങിയ വിവധ പദ്ധതികള്‍ നടപ്പിലാക്കും.