ന്യൂഡല്‍ഹി: വീണ്ടും വിദ്വേഷം തുറന്നടിച്ച് പ്രധാനമന്ത്രി. ഉത്തര്‍പ്രദേശിലെ ബാരബങ്കിയില്‍ തെരഞ്ഞെടുപ്പ് റാലിയില്‍ സംസാരിക്കുകയായിരുന്നു മോദി. 

ആദ്യം ഇവര്‍ രാലല്ലയെ ടെന്‍ഡുകളില്‍ എത്തിച്ചു. പിന്നെ തങ്ങളുടെ വോട് ബാങ്കിനെം സന്തോഷിപ്പിക്കാന്‍ അവര്‍ ഇങ്ങനെ പറഞ്ഞു. ഇവിടെ ക്ഷേത്രത്തിന് പകരം ധര്‍മ ശാല പണിയൂ, സ്‌കൂള്‍ പണിയൂ ആശുപത്രി പണിയൂ. പിന്നെ ക്ഷേത്രം പണിതു കഴിഞ്ഞപ്പോള്‍ സ്ഥിതി ഇതായി. ഇത്രയേറെ വയറില്‍ വിഷം നിറച്ചിരിക്കുന്നു. എത്രയാണെന്ന് വെച്ചാല്‍ അവര്‍ക്ക് രാമനോടെന്ത് ശത്രുതയെന്ന് തോന്നും. രാമക്ഷേത്രത്തെ പാഴാണെന്നാണ് അവര്‍ പറയുന്നത്. അതും രാമനവമി ദിനത്തില്‍.

കോണ്‍ഗ്രസ് രാമക്ഷേത്രത്തില്‍ സുപ്രിം കോടതി വിധി തകര്‍ക്കാനാണ് ശ്രമിക്കുന്നത്. കോടതി വിധി തിരിച്ചിടാനുള്ള തയ്യാറെടുപ്പുകളാണ് ഴര്‍ നടത്തുന്നത്. ഇത് കോണ്‍ഗ്രസ് നേതാവ് തന്നെ പറഞ്ഞിട്ടുണ്ട്- മോദി പറഞ്ഞു.

രാജ്യം വിഭജിക്കാന്‍ കാരണക്കാര്‍ കോണ്‍ഗ്രസാണെന്നും മോദി പറഞ്ഞു. ഇവര്‍ക്ക് രാജ്യം ഒന്നുമല്ല. അവരെ സംബന്ധിച്ച് അവര്‍ക്ക് അവരുടെ കുടുംബവും അധികാരവുമാണ് മുഖ്യം. കോണ്‍ഗ്രസ് അധികാരത്തില്‍ വന്നാല്‍ അവര്‍ രാംലല്ലയെ വീണ്ടും ടെന്റിലേക്കയക്കും. പിന്നെ ക്ഷേത്രത്തില്‍ ബുള്‍ഡോസര്‍ കയറ്റും- മോദി പറഞ്ഞു.

ബുള്‍ഡോസര്‍ എവിടെ ഉപയോഗിക്കണമെന്നും വേണ്ടെന്നും യോഗിയില്‍ നിന്ന് പഠിക്കണമെന്നും മോദി ഉപദേശിച്ചു. ഇത്തരക്കാര്‍ക്ക് നിങ്ങള്‍ക്ക് വോട്ട് ചെയ്യുമോ എന്നും മോദി ചോദിച്ചു.