HOME
DETAILS

മെഡിക്കല്‍ പ്രവേശന പരീക്ഷയില്‍ 27ാം റാങ്ക്, തെരഞ്ഞെടുപ്പിലെ ഏറ്റവും ധനികനായ സ്ഥാനാര്‍ഥി; ചില്ലറക്കാരനല്ല മോദി മന്ത്രിസഭയിലെ ഡോ. ചന്ദ്രശേഖര്‍ പെമ്മസനി

  
June 10 2024 | 05:06 AM

richest-lok-sabha-mp-teluge-desam-party-chandra-sekhar-pemmasani-oath-modi

ന്യൂഡല്‍ഹി: ഇന്നലെ അധികാരമേറ്റ മൂന്നാം മോദിമന്ത്രിസഭയിലെ ടി.ഡി.പിയിലെ ചന്ദ്രശേഖര്‍ പെമ്മസനി അത്ര ചില്ലറക്കാരനല്ല. സഹമന്ത്രിയായി സത്യപ്രതിജ്ഞ ചെയ്ത അദ്ദേഹം തെരഞ്ഞെടുപ്പിലെ ഏറ്റവും ധനികനായ സ്ഥാനാര്‍ഥിയാണ്. 5,700 കോടി രൂപയുടെ സ്വത്താണ് പെമ്മസനിക്കുള്ളത്. 484 കോടി രൂപയുടെ സ്വത്തുള്ള ജ്യോദിരാദിത്യസിന്ധ്യയാണ് സമ്പന്നരില്‍ രണ്ടാമന്‍. 1

ആന്ധ്രപ്രദേശിലെ ഗുണ്ടൂരില്‍ നിന്നാണ് പെമ്മസാനി വിജയിച്ച് ലോക്‌സഭയില്‍ എത്തിയത്. വൈഎസ്ആര്‍ കോണ്‍ഗ്രസിന്റെ കിലാരി വെങ്കട റോസയ്യയെ 3.4 ലക്ഷം വോട്ടിനാണ് അദ്ദേഹം പരായപ്പെടുത്തിയത്. 48 കാരനായ ചന്ദ്രശേഖര്‍ പെമ്മസാനി ഡോക്ടറായി ജോലി ചെയ്തുവരുന്നതിനിടയിലാണ് 2024ലെ പൊതു തിരഞ്ഞെടുപ്പില്‍ ആദ്യമായി സ്ഥാനാര്‍ഥിയാകുന്നത്. 

മെഡിക്കല്‍ പ്രവേശന പരീക്ഷയില്‍ 27ആം റാങ്ക് നേടിക്കൊണ്ട് വിദ്യാര്‍ത്ഥി ആയിരിക്കെ തന്നെ വാര്‍ത്തകളില്‍ ഇടം പിടിച്ചിരുന്ന വ്യക്തിയായിരുന്നു പെമ്മസാനി. ഹൈദരാബാദിലെ ഒസ്മാനിയ മെഡിക്കല്‍ കോളേജില്‍ നിന്നും മെഡിക്കല്‍ ബിരുദവും അമേരിക്കയിലെ പെന്‍സില്‍വാനിയയിലുള്ള ഗീസിംഗര്‍ മെഡിക്കല്‍ സെന്ററില്‍ നിന്നും ഇന്റേണല്‍ മെഡിസിനില്‍ എം.ഡി.യും കരസ്ഥമാക്കിയ ശേഷമാണ് അദ്ദേഹം ഡോക്ടറായി സേവനമനുഷ്ഠിച്ചിരുന്നത്. 

ഓണ്‍ലൈന്‍ ലേണിങ് ആപ്പായ യു വേള്‍ഡ് സ്ഥാപിച്ചതോടെയാണ് പെമ്മസാനി അതിസമ്പന്നരുടെ നിരയിലേക്ക് ഉയര്‍ന്നത്.  8 ലോക്‌സഭയിലേക്ക് തെരഞ്ഞെടുക്കപ്പെട്ട പത്ത് സമ്പന്ന എം.പിമാരില്‍ കേന്ദ്രമന്ത്രിയായത് പെമ്മസനിയും സിന്ധ്യയും മാത്രമാണ്.

 

 

 



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."