ജിദ്ദ: സഊദി എയർലൈൻസ് വിമാനം ലാൻഡ് ചെയ്യുന്നതിനിടെ തീ പടർന്നു.റിയാദിൽ നിന്ന് പാക്കിസ്ഥാനിലെ പെഷവാർ വിമാനത്താവളത്തിലേക്ക് പുറപ്പെട്ട സഊദി എയർലൈൻസിൻ്റെ SV 792 എന്ന വിമാനം ലാൻഡിങ്ങിനിടെ അപകടത്തിൽപ്പെട്ട് തീ പിടിച്ചത്. വിമാനത്താവളത്തിൽ ഇറങ്ങി റൺവേയിലൂടെ ഓടുന്നതിനിടെയാണ് ലാൻഡിങ് ഗിയറിൽ നിന്ന് തീ ഉയർന്നത്. ഉടനെ വിമാനം നിയന്ത്രണത്തിലാക്കിയ പൈലറ്റ് റൺവേയിൽ വിമാനം നിർത്തി എമർജൻസി ഡോറുകൾ തുറന്ന് യാത്രക്കാരെയും ക്യാബിൻ ക്രൂവിനെയും വളരെ വേഗം പുറത്തിറക്കി വലിയോരു അപകടം ഒഴിവാക്കി.

അഗ്നിശമന സേനയും മറ്റ് രക്ഷാ പ്രവർത്തക സംഘങ്ങളും സംഭവ സ്ഥലത്ത് കുതിച്ചെത്തി തീ നിയന്ത്രണ വിധേയമാക്കുകയായിരുന്നു. ആളപായമൊന്നുമുണ്ടായിട്ടില്ല 276 യാത്രക്കാരും, 21 വിമാനജീവനക്കാരുമാണ് വിമാനത്തിലുണ്ടായിരുന്നത്. സാങ്കേതിക വിദഗ്‌ധരെത്തിവിമാനം പരിശോധിച്ചു തകരാറുകൾ പരിഹരിക്കുകയാണെന്ന് സഊദിയ അധികൃതർ അറിയിച്ചു, സർവീസുകൾ പുനഃസ്ഥാപിക്കാൻ നടപടികൾ ആരംഭിച്ചുണ്ട്. എല്ലാ യാത്രക്കാരുടെയും സുരക്ഷ ഉറപ്പാക്കുന്നതിൽ പ്രാധാന്യം കൊടുക്കുമെന്ന് എയർലൈൻസ് ഉറപ്പ് നൽകി.

കൂടുതൽ ഗൾഫ് വാർത്തകൾക്ക് ഈ ഗ്രൂപ്പിൽ ജോയിൻ ചെയ്യുക