വടക്കാഞ്ചേരി: ചിറ്റണ്ട തൃക്കണ പതിയാരത്ത് സ്വകാര്യ വ്യക്തിയുടെ വീട്ടുപറമ്പിലെ കിണറ്റില്‍ നിന്ന് ഏഴടിയോളം വലുപ്പത്തിലുള്ള മൂര്‍ഖന്‍ പാമ്പിനെ പിടികൂടി. പുന്നത്തൂര്‍ മനക്കു സമീപമുള്ള കിണറിലാണ് പാമ്പ് വീണു കിടന്നിരുന്നത്. പറമ്പില്‍ തെങ്ങു കയറാനെത്തിയ തൊഴിലാളി സത്യന്‍ കിണറ്റില്‍ നിന്ന് ചീറ്റല്‍ ശബ്ദം കേട്ടതിനെത്തുടര്‍ന്ന് നോക്കിയപ്പോഴാണ് പാമ്പിനെ കണ്ടത്.
ഉടന്‍ നാട്ടുകാരെ വിവരമറിയിക്കുകയും പിടികൂടുകയുമായിരുന്നു. തുടര്‍ന്ന് പൂങ്ങോട് നിന്നെത്തിയ വനപാലകര്‍ക്ക് കൈമാറി വനത്തില്‍ വിട്ടയച്ചു.