മലപ്പുറം: സംസ്ഥാന ഹജ്ജ് കമ്മിറ്റിക്ക് കീഴിൽ 2025 ലേക്കുള്ള ഹജ്ജ് അപേക്ഷാ സമർപ്പണം തുടങ്ങി. സെപ്റ്റംബർ ഒമ്പതുവരേ അപേക്ഷിക്കാം. അപേക്ഷ സമർപ്പിക്കുന്നതിനുള്ള മാർഗനിർദേശങ്ങൾ പാലിച്ചാണ് അപേക്ഷിക്കേണ്ടത്. നറുക്കെടുപ്പ് സെപ്റ്റംബർ മൂന്നാംവാരം നടക്കും.

65 വയസിന് മുകളിലുള്ളവർക്കും, മെഹ്‌റമില്ലാത്ത 45 വയസിന് മുകളിൽ പ്രായമുള്ള സ്ത്രീകൾ ഒരുമിച്ച് നൽകുന്ന അപേക്ഷകളിലും നറുക്കെടുപ്പില്ലാതെ അവസരം നൽകും. അപേക്ഷകന് 2026 ജനുവരി വരേ കാലാവധിയുള്ള  മെഷീൻ റീഡബിൾ പാസ്‌പോർട്ട് നിർബന്ധമാണ്.
   
ഓൺലൈൻ വഴിയാണ് ഹജ്ജിന് പോകാൻ അപേക്ഷിക്കേണ്ടത്. കേന്ദ്ര ഹജ്ജ് കമ്മിറ്റിയുടെ hajcommittee.gov.in/ വെബ്‌സൈറ്റിലും കേരള സംസ്ഥാന ഹജ്ജ് കമ്മിറ്റിയുടെ keralahajcommittee.org/ വെബ്‌സൈറ്റിലും ലിങ്ക് ലഭ്യമാണ്.  'Hajsuvidha' എന്ന മൊബൈൽ ആപ് വഴിയും അപേക്ഷ സമർപ്പിക്കാനാകും.