ഇന്ത്യന്‍ സ്വാതന്ത്ര്യദിനത്തില്‍ ഡൂഡിള്‍ ചെയ്യുന്ന പതിവ് ഗൂഗിള്‍ ഇത്തവണയും തെറ്റിച്ചില്ല. ഇന്ത്യയുടെ  78ാം സ്വാതന്ത്ര്യദിനത്തില്‍ പ്രൗഢമായ ആര്‍ക്കിടെക്ച്ചറല്‍ ഹെറിട്ടേജിന് ആദരവുമായി ഗൂഗിള്‍ ഡൂഡിള്‍. വിവിധ ഹെറിട്ടേജ് മാതൃകകള്‍ ആലേഖനം ചെയ്തുള്ള ഗൂഗിള്‍ ഡൂഡിളാണ് ഈ സ്വതന്ത്ര്യദിനത്തിന് ഗൂഗിള്‍ അവതരിപ്പിച്ചത്. 

ഇന്ത്യന്‍ ആര്‍ക്കിടെക്ച്ചറല്‍ ഹെറിട്ടേജിനെ ആകര്‍ഷകമായ രീതിയില്‍ ഗൂഗിള്‍ അവതരിപ്പിച്ചു. ഫ്രീലാന്‍ഡ് ആര്‍ട്ട് ഡയറക്ടറും ചിത്രകാരനുമായ വരിന്ദ്ര ജാവെരിയാണ് ഇത്തവണ ഡൂഡിള്‍ തയ്യാറാക്കിയത്. രാജ്യത്തിന്റെ വിവിധ ഭാഗങ്ങളിലെ ശൈലികള്‍ ഉള്‍പ്പെടുത്തിയിട്ടുള്ള വിവിധ ആര്‍ക്കിടെക്ച്ചറുകളുടെ മൊണ്ടാഷാണ് ഡൂഡിളില്‍ ഉള്‍പ്പെടുത്തിയിരിക്കുന്നത്. രാജ്യത്തിന്റെ പ്രൗഢമായ സാംസ്‌കാരിക ചരിത്രം അടയാളപ്പെടുത്തുന്ന പുരാതന ക്ഷേത്രങ്ങളുടെയും ചരിത്രപരമായ കോട്ടകളുടെയും പരമ്പരാഗത വീടുകളുടെയും ആവിഷ്‌കാരം ഈ മൊണ്ടാഷില്‍ കാണാം.

ഇന്ത്യയുടെ ടെക്‌സ്‌റ്റൈല്‍ ചരിത്രമാണ്  2023ലെ സ്വാതന്ത്ര്യദിന ഡൂഡിളിലൂടെ ഗൂഗിള്‍ അവതരിപ്പിച്ചത്. രാജ്യത്തിന്റെ വിവിധ ഭാഗങ്ങളിലുള്ള കൈത്തറി രീതികളായിരുന്നു ഡൂഡിളില്‍ ഉണ്ടായിരുന്നത്. 

On India's 78th Independence Day, we celebrate the country's rich architectural heritage, from ancient monuments to modern marvels, that showcase its cultural diversity and historical significance.