തിരുവനന്തപുരം: പരീക്ഷയ്ക്ക് മുന്‍പേ പിഎസ്‌സി ചോദ്യപേപ്പര്‍ ചോര്‍ന്നതായി പരാതി. വയനാട്,എറണാകുളം എന്നീ ജില്ലകളിലേക്കുള്ള എല്‍ഡി ക്ലാര്‍ക്ക് ചോദ്യപേപ്പറാണ് വെബ്‌സൈറ്റില്‍ പ്രത്യക്ഷപ്പെട്ടതെന്നാണ് ഉദ്യോഗാര്‍ഥികള്‍ പറയുന്നത്. ഒരു ദിവസം മുന്‍പ് തന്നെ ചോദ്യപേപ്പര്‍ അപ്ലോഡ് ചെയ്തതായാണു വിവരം. 

അതേസമയം ചോദ്യപേപ്പര്‍ ചോര്‍ന്നിട്ടില്ലെന്ന് പിഎസ്‌സി വ്യക്തമാക്കി. ഗൂഗിള്‍ ടൈംസ്റ്റാമ്പിന്റെ പ്രശ്‌നമാണ് തിയതി തെറ്റായി കാണിക്കുന്നതെന്നും വിശദീകരണമുണ്ട്. 

ഗൂഗിള്‍ ടൈംസ്റ്റാമ്പിന്റെ പ്രശ്‌നമാണു സംശയത്തിനിടയാക്കുന്നതെന്നാണ് പിഎസ്‌സി പറയുന്നത്. ഇക്കാര്യം ഗൂഗിള്‍ തന്നെ മുന്‍പ് വ്യക്തമാക്കിയിട്ടുണ്ട്. ഇക്കാരണത്താലാണ് ചോദ്യപേപ്പര്‍ പ്രസിദ്ധീകരിച്ച യഥാര്‍ഥ സമയത്തില്‍ മാറ്റം സംഭവിച്ചതെന്നും വിഷയം ഗൂഗിളിന്റെ ശ്രദ്ധയില്‍പെടുത്തിയെന്നും പിഎസ്‌സി അറിയിച്ചു.

Complaint of LD Clerk Question Paper Leak Before Exam news