തിരൂര്‍: ജനമൈത്രി പൊലിസും പയ്യനങ്ങാടി ടി.ടി.ഐ ടെക്‌നിക്കല്‍ ഇന്‍സ്റ്റിറ്റ്യൂട്ടും ഐ.എച്ച്.ടി കംപ്യൂട്ടര്‍ കോളജും സംയുക്തമായി ലഹരി വിരുദ്ധ കാംപെയ്‌നും ട്രാഫിക് ബോധവല്‍ക്കരണ ക്ലാസും നടത്തി.നഗരസഭ ചെയര്‍മാന്‍ അഡ്വ: എസ്. ഗിരീഷ് ഉദ്ഘാടനം ചെയ്തു. സീനിയര്‍ സിവില്‍ പൊലിസ് ഓഫിസറായ പി. ശ്രീപതി ബോധവല്‍ക്കരണ ക്ലാസെടുത്തു. കോളജ് പ്രിന്‍സിപ്പല്‍  അബ്ദുറഹിമാന്‍ ഹാജി അധ്യക്ഷനായി. ഗീത പള്ളേരി, മൂസ പരന്നേക്കാട്, സി.വി വിമല്‍ കുമാര്‍, കാസിം വാടി, ട്രാഫിക് എസ്.ഐ സണ്ണി പ്രസംഗിച്ചു. റാലി തിരൂര്‍ ഡി.വൈ.എസ്.പിയുടെ ചുമതല വഹിക്കുന്ന സി.കെ ബാബു ഫ്‌ളാഗ് ചെയ്തു. തുടര്‍ന്ന് ലഹരിവിരുദ്ധ സന്ദേശ റാലിയില്‍ വിദ്യാര്‍ഥികളും പൊതുജനങ്ങളും ലഹരിക്കെതിരേ പ്രതിജ്ഞയെടുത്തു.