തിരുവനന്തപുരം: ഫുട്ബോൾ ആരാധകരെ ആകാംഷയിൽ ആഴ്ത്തി അർജന്റീന ഫുട്ബോൾ ടീം കേരളത്തിൽ പന്ത് തട്ടാൻ എത്തും. ടീമിന് കേരളത്തിലേക്ക് വരാനുള്ള അനുമതി അർജന്റീന ഫുട്ബോൾ അസോസിയേഷൻ നൽകിയെന്നാണ് പുറത്തു വരുന്ന റിപ്പോർട്ട്. അടുത്ത വർഷം ഓക്ടോബറിലാകും ടീം കേരളത്തിൽ വരുക. കായിക മന്ത്രി വി അബ്ദുറഹിമാന്‍ നാളെ മാധ്യമങ്ങളെ കണ്ട് കൂടുതല്‍ വിവരങ്ങള്‍ അറിയിക്കും.

മെസ്സി കളിക്കാനെത്തുമോ എന്ന കാര്യത്തില്‍ ഇനിയും ഉറപ്പ് കിട്ടിയിട്ടില്ല. മെസ്സിയുടെ കാര്യത്തില്‍ അര്‍ജന്റീന ഫുട്‌ബോള്‍ അസോസിയേഷനാകും അന്തിമ തീരുമാനം എടുക്കുക.മത്സര നടത്തിപ്പിനായി ഭീമമായ തുകയാകും ആവശ്യം വരിക. നൂറ് കോടിയിലധികം ചെലവ് വരുമെന്നാണ് എകദേശം കണക്കാക്കുന്നത്. ഇത് സ്‌പോണ്‍സര്‍ വഴിയാകും കണ്ടെത്തുക. കേരളത്തില്‍ രണ്ട് മത്സരങ്ങളാകും ടീം കളിക്കുക. ഏഷ്യയിലെ പ്രമുഖ രണ്ട് ടീമുകളാകും അര്‍ജന്റീനയുമായി കളിക്കുക.