നമ്മുടെയൊക്കെ വീടുകളില്‍ മീന്‍കറിയോ അല്ലെങ്കില്‍ ഇറച്ചിക്കറിയോ അങ്ങനെ കാര്യമായിട്ടൊന്നുമില്ലെങ്കില്‍ എളുപ്പത്തിനുണ്ടാക്കുന്നതാണ് ചമ്മന്തി. ഇന്ന് പല രീതിയിലും രുചിയിലും ചമ്മന്തി ഉണ്ടാക്കാറുണ്ട്. എന്നാല്‍ ഇന്നു നമുക്ക് വളരെ രുചികരവും എന്നാല്‍ പെട്ടെന്നു തന്നെ ഉണ്ടാക്കാവുന്നതുമായ ഒരു ചമ്മന്തിയുടെ റെസിപിയാണിത്. 

നാടന്‍ ചുവന്നുള്ളി(കുഞ്ഞുള്ളി) ഇട്ട് അരച്ച ചമ്മന്തി .  കേള്‍ക്കുമ്പോള്‍ തന്നെ നാവില്‍ വെള്ളം വരുന്നുണ്ടല്ലേ.. നല്ല എരിവും പുളിയും ചേര്‍ത്ത കിടിലന്‍ ചമ്മന്തി. ഊണിന് കറിയൊന്നുമില്ലെങ്കിലും ഇനി പ്രശ്‌നമില്ല. 

ചുവന്നുള്ളി- 5
പുളി- ഒരു നെല്ലിക്കാ വലുപത്തില്‍
വറ്റല്‍മുളക്-3
ഉപ്പ്-വെളിച്ചെണ്ണ- ആവശ്യത്തിന്

ഉണ്ടാക്കുന്ന വിധം

വറ്റല്‍ മുളക് ഒന്ന് ചൂടാക്കിയെടുക്കണം. അതിനായി ഒരു പാന്‍ ചൂടാക്കി അതിലേക്കിട്ട് ഒന്ന് വറുത്തെടുക്കുക. ചൂടാറിയ ശേഷം പൊടിച്ചെടുക്കുക. 5 ചുവന്നുള്ളിയെടുത്ത് അതിലേക്ക് കുറച്ചു ഉപ്പും ചേര്‍ത്ത് ഒന്ന് ക്രഷ്്‌ചെയ്‌തെടുക്കുക.

ഇതിലേക്ക് മുളകുപൊടിച്ചതും പുളികുതിര്‍ത്ത വെളളവും ഒഴിക്കുക. നന്നായി മിക്‌സ് ചെയ്ത ശേഷം ഇതിലേക്ക് കുറച്ചു വെളിച്ചെണ്ണ കൂടെ ചേര്‍ക്കുക. ഇനി ഒന്നു കഴിച്ചു നോക്കിയേ.... പൊളിയല്ലേ.