ന്യൂഡല്‍ഹി: ആരാധനാലയ സംരക്ഷണ നിയമം പാലിക്കാന്‍ കോടതി നിര്‍ദേശം നല്‍കണമെന്ന ആവശ്യവുമായി കോണ്‍ഗ്രസ് സുപ്രിംകോടതിയിലേക്ക്. യു.പിയിലെ സംഭല്‍ മസ്ജിദിലടക്കമുള്ള സര്‍വേകള്‍ക്ക് സുപ്രീംകോടതി നേരിട്ട് സ്‌റ്റേ നല്‍കണം. കോടതികള്‍ ഉത്തരവിട്ടാലും നടത്തരുതെന്ന് സംസ്ഥാനങ്ങള്‍ക്ക് നിര്‍ദേശം നല്‍കണമെന്നും കോണ്‍ഗ്രസ് ഹരജിയില്‍ പറയുന്നു. കോണ്‍ഗ്രസ് നേതാക്കളായ അലോക് ശര്‍മ്മ, പ്രിയ മിശ്ര എന്നിവരാണ് ഹരജി നല്‍കിയത്.

അജ്മീര്‍ ശരീഫ് ദര്‍ഗ, ഭോജ്ശാല, സംഭല്‍ ജമാ മസ്ജിദ്, മഥുര ശ്രീകൃഷ്ണ ജന്മഭൂമി മസ്ജിദ്, ഗ്യാന്‍വാപി തുടങ്ങിയ ആരാധനാലയങ്ങളുമായി ബന്ധപ്പെട്ട അവകാശവാദങ്ങള്‍ സാമുദായിക ഐക്യം തകര്‍ക്കുകയാണെന്നും സുപ്രീംകോടതി ഇടപെട്ട് ഇതിന് എത്രയും വേഗം അവസാനമുണ്ടാക്കണമെന്നും ഹരജിയിലുണ്ട്.