വാഷിങ്ടണ്‍: ഹമാസിന് മുന്നറിയിപ്പുമായ നിയുക്ത യു.എസ് പ്രസിഡന്റ് ഡൊണാള്‍ഡ് ട്രംപ്. താന്‍ അധികാരത്തിലേറുമ്പോഴേക്കും ബന്ദികളെ മുഴുവന്‍ വിട്ടയക്കണമെന്നും ഇല്ലെങ്കില്‍ ഗുരുതര പ്രത്യാഘാതങ്ങളുണ്ടാവുമെന്നുമാണ് മുന്നറിയിപ്പ്. പിന്നാലെ ട്രംപിന് നന്ദി പറഞ്ഞ് ഇസ്‌റാഈല്‍ പ്രസിഡന്റ് യിസാക് ഹെര്‍സോഗ് രംഗത്തുവന്നു. അതേസമയം, നെതന്യാഹു പ്രതികരിച്ചിട്ടില്ല. 

'ഞാന്‍ യുനൈറ്റഡ് സ്റ്റേറ്റ്‌സ് പ്രസിഡന്റായി ചുമതലയേല്‍ക്കുന്നതിന് മുമ്പ്, 2025 ജനുവരി 20ന് മുമ്പ് ബന്ദികളെ വിട്ടയച്ചില്ലെങ്കില്‍, വലിയ വില നല്‍കേണ്ടി വരും' ട്രംപ് പറഞ്ഞു. 

250 ഓളം പേരെയാണ് ഹമാസ് ബന്ദികളാക്കിയിരുന്നത്. ഇവരില്‍ 100 ഓളം പേരാണ് ഇപ്പോള്‍ ഹമാസിന്റെ കസ്റ്റഡിയിലുള്ളത്.