ഡൽഹി : ശൈത്യകാലം ആരംഭിക്കാൻ പോകുകയാണ്. സാധാരണ ​ഗതിയിൽ വരും മാസങ്ങളിൽ സംഭവിക്കാറുള്ള ട്രെയിൻ ഷെഡ്യൂളുകളിലെ കാലതാമസം യാത്രക്കാർക്ക് പലതരത്തിലുള്ള അസൗകര്യങ്ങൾ സൃഷ്ടിക്കാറുണ്ട്. മൂടൽ മഞ്ഞ് കാരണം ലോക്കോ പൈലറ്റുമാർക്ക് ട്രാക്ക് കാണാൻ പറ്റാത്ത അവസ്ഥയും, കൂടാതെ മറ്റ് സാങ്കേതിക തടസങ്ങളും കാരണം പല ട്രെയിനുകളും മണിക്കൂറുകളോളം വൈകിയോടുന്നത് പതിവാണ്. അതേസമയം യാത്രക്കാർ നേരിടുന്ന ഈ പ്രതിസന്ധിക്ക് പരിഹാരം കണ്ടെത്തിയിരിക്കുകയാണ് ഇന്ത്യൻ റെയിൽവേ. 

രാജധാനി, ശതാബ്ദി, ദുരന്തോ എക്സ്പ്രസ് എന്നിങ്ങനെയുള്ള പ്രീമിയം ട്രെയിനുകളിൽ യാത്ര ചെയ്യുന്ന യാത്രക്കാർക്കാണ് ഈ സേവനം ലഭിക്കുക. ഈ ട്രെയിനുകൾ രണ്ടോ അതിലധികമോ മണിക്കൂറുകൾ വൈകിയോടുന്നുവെങ്കിൽ ഐ.ആർ.സി.ടി.സി യുടെ കാറ്ററിംഗ് പോളിസി പ്രകാരം യാത്രക്കാർ സൗജന്യ ഭക്ഷണത്തിന് അർഹരായിരിക്കും. ഈ ട്രെയിനുകൾക്കായി സ്റ്റേഷനിൽ കാത്തിരിക്കുന്ന യാത്രക്കാരുടെയും, ലക്ഷ്യ സ്ഥാനത്ത് എത്താൻ വൈകുന്ന യാത്രക്കാരുടെയും അസൗകര്യങ്ങൾ കുറക്കാനാണിത്. 

ഐ.ആർ.സി.ടി.സിയുടെ കാറ്ററിംഗ് പോളിസി പ്രകാരം ഓരോ സമയത്തെ അടിസ്ഥാനമാക്കിയാണ് ഭക്ഷണം തീരുമാനിക്കുന്നത്. അതേ സമയം വലിയ കാലതാമസം നേരിടുന്ന സന്ദർഭങ്ങളിൽ, ടിക്കറ്റ് റദ്ദാക്കിയാൽ യാത്രക്കാർക്ക് മുഴുവൻ തുകയും റീഫണ്ട് ലഭിക്കും. കൂടാതെ ട്രെയിൻ മൂന്ന് മണിക്കൂറിലധികം വൈകുകയോ വഴി തിരിച്ചുവിടുകയോ ചെയ്താൽ, യാത്രക്കാർക്ക് അവരുടെ ടിക്കറ്റുകൾ റദ്ദാക്കുകയും യഥാർത്ഥ ബുക്കിംഗ് ചാനൽ വഴി റീഫണ്ട് ക്ലെയിം ചെയ്യാവുന്നതുമാണ്. റെയിൽവേ കൗണ്ടർ വഴി ടിക്കറ്റ് ബുക്ക് ചെയ്‌തവർ പണം തിരികെ ലഭിക്കാൻ നേരിട്ട് പോകേണ്ടതാണ്.

I tried to find more information on this topic. For the latest updates on Indian Railways' policies and services, you can try searching online for more details.