ലക്‌നൗ: പാര്‍ലമെന്റില്‍ ഫലസ്തീന്‍ അനുകൂല മുദ്രാവാക്യം വിളിച്ച സംഭവത്തില്‍ ഓള്‍ ഇന്ത്യ മജ്‌ലിസെ ഇത്തിഹാദുല്‍ മുസ്‌ലിമീന്‍ നേതാവ് അസദുദ്ദീന്‍ ഉവൈസിക്ക് സമന്‍സ് അയച്ച് കോടതി. ഭരണഘടന ലംഘനം നടത്തിയെന്നാരോപിച്ചുള്ള ഹരജിയിലാണ് നടപടി. ജനുവരി ഏഴിന് കോടതിയില്‍ ഹാജരാകാനാണ്‌ന നിര്‍ദേശം. 

സത്യപ്രതിജ്ഞ ചടങ്ങിനിടെ ഫലസ്തീന് പിന്തുണ പ്രഖ്യാപിച്ച് മുദ്രാവാക്യം വിളിച്ച ഉവൈസിക്കെതിരെ അഭിഭാഷകന്‍ വീരേന്ദ്ര ഗുപ്തയാണ് ഹരജി നല്‍കിയത്. ജൂണ്‍ 25ന് എംപിയായി സത്യപ്രതിജ്ഞ ചെയ്ത ശേഷം ജയ് ഭീം, ജയ് മീം, ജയ് തെലങ്കാന, ജയ് ഫലസ്തീന്‍ എന്നാണ് ഉവൈസി പറഞ്ഞത്. ഈ പരാമര്‍ശങ്ങള്‍ രേഖയില്‍ നിന്ന് നീക്കാന്‍ ചെയര്‍മാന്‍ നിര്‍ദേശിച്ചിരുന്നു.

court issued summons to aimim leader asadudhin owaisi on palastine remark