അബൂദബി: ക്രിക്കറ്റ് കളിക്കുന്നതിനിടെ  കണ്ണിൽ പന്തുകൊണ്ട് കാഴ്ച പോയ ഇന്ത്യൻ ബാലന് അത്യപൂർവ ലേസർ ശസ്ത്രക്രിയയിലൂടെ കാഴ്ച തിരിച്ചുകിട്ടി. ക്രിക്കറ്റ് പന്തിന് പരിക്കേറ്റ 13 വയസ്സുള്ള ഇന്ത്യൻ പ്രവാസി ബാലൻ്റെ കാഴ്ച ആണ് നഷ്ടമായത്.  ദുബായിൽ ക്രിക്കറ്റ് കളിക്കുന്നതിനിടെയാണ് 13 കാരൻ്റെ കണ്ണിനു ഗുരുതരമായി പരിക്കേൽക്കുകയും കാഴ്ച ശേഷി നഷ്ടമാകുകയും ചെയ്തത്.

എട്ടാം ക്ലാസ് വിദ്യാർത്ഥിയായ ആൺകുട്ടി, തൻ്റെ അപ്പാർട്ട്മെൻ്റിന് സമീപമുള്ള പാർക്കിംഗ് സ്ഥലത്ത് സുഹൃത്തുക്കളോടൊപ്പം കളിക്കുകയായിരുന്നപ്പോൾ ക്രിക്കറ്റ് പന്ത് ഇടത് കണ്ണിൽ ആണ് തട്ടിയത്. കടുത്ത വേദന വന്നതിനൊപ്പം കണ്ണ് ആകെ ചുവക്കുകയും  കാഴ്ചയും മങ്ങുകയും ചെയ്തു. ഐസ് പായ്ക്ക് ഉപയോഗിച്ചുള്ള പ്രാഥമിക ചികിത്സ നൽകിയെങ്കിലും ആൺകുട്ടിയുടെ കണ്ണിൻ്റെ ലക്ഷണങ്ങൾ വഷളായതിനാൽ കുടുംബം വിദഗ്ധ ചികിൽസ തേടി. 

തുടന്ന് അവർ ആസ്റ്റർ ക്ലിനിക്ക് ബുർ ദുബായിൽ എത്തി.  ആസ്റ്റർ ഹോസ്പിറ്റൽ മാൻഖൂളിലെ സ്പെഷ്യലിസ്റ്റ് ഒഫ്താൽമോളജിസ്റ്റ് ഡോ. ഗസാല ഹസൻ മൻസൂരി സമഗ്ര നടത്തിയ പരിശോധനയില് ഇടത് കണ്ണിലെ ഒന്നിലധികം സ്ഥലത്ത് റെറ്റിനയില് പൊട്ടൽ കണ്ടെത്തി.  OCT, Fundus ഫോട്ടോഗ്രഫി തുടങ്ങിയ നൂതന ഡയഗ്നോസ്റ്റിക് ടൂളുകൾ ഉപയോഗിച്ച് പരിശോധന നടത്തി.  കേടുപാടുകൾ അടയ്ക്കുന്നതിന് ലേസർ നടപടിക്രമം അവർ ശുപാർശ ചെയ്തു. വൈകാതെ കുട്ടിയെ ലേസർ ചികിത്സയ്ക്ക് വിധേയനാക്കി. അതേ ദിവസം തന്നെ ഡിസ്ചാർജ് ആയി. തുടർന്ന് പൂർണ്ണമായി സുഖം പ്രാപിച്ചുവെന്ന് ഡോക്ടർ സ്ഥിരീകരിച്ചു. കാഴ്ചശക്തി പുനഃസ്ഥാപിച്ചു കുട്ടി കുടുംബത്തോടൊപ്പം ഇന്ത്യയിലേക്ക് മടങ്ങി. നേത്ര പരിക്കുകൾ ചികിത്സിക്കുന്നതിൽ നേരത്തെയുള്ള രോഗനിർണയത്തിനൂം വേഗത്തിലുള്ള ഇടപെടലിനും വൻ പ്രാധാന്യം ഉണ്ടെന്ന്  ഡോ. ഗസാല പറഞ്ഞു.

13-year-old Indian pravasi boy’s vision saved after cricket ball injury in uae