റിയാദ്: സഊദി സെക്ടറിൽ എയർ ഇന്ത്യ എക്സ്പ്രസ് വൈകിപ്പറക്കുന്നത് തുടർക്കഥയാവുന്നു എന്ന് ആക്ഷേപം. കോഴിക്കോട് നിന്ന് റിയാദിലേക്കുള്ള വിമാനമാണ് ഏറ്റവും ഒടുവിലായി വൈകിയത്. പൈലറ്റ് എത്താൻ വൈകിയതിനാൽ ആറുമണിക്കൂർ വൈകിയാണ് വിമാനം പുറപ്പെട്ടത്. 

ശനിയാഴ്ച രാത്രി എട്ടിന് കരിപ്പൂരിൽ നിന്ന് റിയാദിലേക്ക് പുറപ്പെടേണ്ട ഐഎക്സ് 321 വിമാനം ഞായറാഴ്ച പുലർച്ചെ രണ്ടിനാണ് യാത്ര തിരിച്ചത്. അപ്പോഴേക്കും ആറ് മണിക്കൂറോളം വൈകിയിരുന്നു. അതിന് മൂന്ന് മണിക്കൂർ മുമ്പേ എയർപ്പോർട്ടിലെത്തിയതിനാൽ തന്നെ സ്ത്രീകളും കുട്ടികളുമടങ്ങുന്ന മുന്നൂറോളം യാത്രക്കാർ ആകെ ഒൻപത് മണിക്കൂറാണ് കരിപ്പൂർ വിമാനത്താവളത്തിൽ ദുരിതമനുഭവിച്ചത്.

വൈകി പുറപ്പെട്ട വിമാനം പിറ്റേന്ന് വളരെ വൈകിയാണ് റിയാദിലെത്തിയത്. ഇത് ഞായറാഴ്ച ജോലിയിൽ ഹാജരാവേണ്ട നിരവധിയാളുകൾക്കും സ്കൂളിലെത്തേണ്ട വിദ്യാർഥികൾക്കും തിരിച്ചടിയായി. സഊദിയിലെ സ്കൂളുകളിൽ ശൈത്യകാല ഹ്രസ അവധി ലഭിച്ചതിനാൽ നിരവധി കുടുംബങ്ങൾ അവധിക്കാലം ചെലവഴിക്കാൻ നാട്ടിലേക്ക് പോയിരുന്നു. കുറഞ്ഞ ദിവസത്തെ അവധിക്ക് ശേഷം തിരിച്ചുള്ള യാത്രയിലാണ് യാത്രക്കാർക്ക് ഈ ദുരനുഭവം നേരിട്ടത്.

An Air India Express flight scheduled to depart on Saturday night was delayed, taking off only on Sunday.