വരാനിരിക്കുന്ന ചാമ്പ്യൻസ് ട്രോഫിക്കുള്ള ന്യൂസിലാൻഡ് ടീമിനെ പ്രഖ്യാപിച്ചു. അടുത്തിടെ ന്യൂസിലാൻഡിന്റെ ഏകദിന ക്യാപ്റ്റൻസി ഏറ്റെടുത്ത മിച്ചൽ സാന്റ്നറിന്റെ നേതൃത്വത്തിലാണ് കിവീസ് ചാമ്പ്യൻസ് ട്രോഫിയിൽ കളിക്കാൻ എത്തുന്നത്. ക്യാപ്റ്റനെന്ന നിലയിലെ മിച്ചൽ സാന്റ്നറിന്റെ ആദ്യ മേജർ ടൂർണമെന്റ് ആണിത്. മിച്ചൽ സാന്റ്നറിനൊപ്പം ഏറെ പരിചയ സമ്പന്നരായ കെയ്ൻ വില്യംസണും ടോം ടോം ലാഥമും കൂടി ചേരുമ്പോൾ ന്യൂസിലാൻഡ് കൂടുതൽ ശക്തമാവുമെന്ന് ഉറപ്പാണ്. 

ഇവർക്ക് പുറമെ മൈക്കൽ ബ്രേസ്‌വെൽ, ഡെവൺ കോൺവേ, മാറ്റ് ഹെൻറി, ടോം ലാഥം, ഡാരിൽ മിച്ചൽ, ഗ്ലെൻ ഫിലിപ്‌സ്, രചിൻ രവീന്ദ്ര എന്നിവരും കിവീസിന്റെ ബാറ്റിംഗ് നിരയിൽ ഇടം നേടി. ബൗളിംഗിൽ യുവ ഫാസ്റ്റ് ബൗളർമാരായ ബെൻ സിയേഴ്‌സും വിൽ ഒറൂർക്കും എന്നിവരും ടീമിൽ ഇടംപിടിച്ചു. 

ഫെബ്രുവരി 19 മുതൽ മാർച്ച് ഒമ്പത് വരെയാണ് ചാമ്പ്യൻസ് ട്രോഫി നടക്കുന്നത്. ചാമ്പ്യൻസ് ട്രോഫിയിൽ ഗ്രൂപ്പ് എയിൽ ആണ് ന്യൂസിലാൻഡ് ഉള്ളത്. ബംഗ്ലാദേശ്, പാകിസ്താൻ, ഇന്ത്യ എന്നീ ടീമുകളാണ് കിവീസിനൊപ്പം ഉള്ളത്. 

ഐസിസി ചാമ്പ്യൻസ് ട്രോഫിക്കുള്ള ന്യൂസിലാൻഡ് ടീം

മിച്ചൽ സാൻ്റ്‌നർ (ക്യാപ്റ്റൻ), മൈക്കൽ ബ്രേസ്‌വെൽ, മാർക്ക് ചാപ്‌മാൻ, ഡെവൺ കോൺവേ, ലോക്കി ഫെർഗൂസൺ, മാറ്റ് ഹെൻറി, ടോം ലാഥം, ഡാരിൽ മിച്ചൽ, വിൽ ഒറൂർക്ക്, ഗ്ലെൻ ഫിലിപ്‌സ്, രചിൻ രവീന്ദ്ര, ബെൻ സിയേഴ്‌സ്, നഥാൻ സ്മിത്ത്, കാനീവിൽ, വിൽ യംഗ്.