കാല്‍പാദങ്ങളില്‍ നീര്‍വീക്കം വരുന്നത് ഒരു സാധാരണ പ്രശ്‌നമാണ്. പ്രത്യേകിച്ച് കൂടുതല്‍ നേരം നില്‍ക്കുകയോ ഇരിക്കുകയോ ചെയ്യുമ്പോള്‍. തടിയുള്ള ആളുകളിലും ചിലപ്പോള്‍ ഇങ്ങനെ കാണാം. ഇതിനെ പെരിഫറല്‍ എഡിമ എന്ന് വിളിക്കുന്നു. കാലുകളുടെയും കണങ്കാലുകളുടെയും ടിഷ്യൂകളില്‍ ദ്രാവകം അടിഞ്ഞുകൂടുമ്പോഴാണ് കാലുകളില്‍ നീര് വരുന്നത്. കേടായ ടിഷ്യൂകളിലോ സന്ധികളിലോ ഉള്ള വീക്കം മൂലവും കാലില്‍ നീര് വരാവുന്നതാണ്. 

ദീര്‍ഘനേരം ഇരിക്കുന്നതും പരിക്കേല്‍ക്കുന്നതും പോലുളള നിരവധി കാരണങ്ങള്‍ കാലുകളുടെ വീക്കത്തിനു കാരണമാവാം. എന്നാല്‍ നിരന്തരമായി കാലുകളില്‍ നീര് വരുന്നുണ്ടെങ്കില്‍ ശ്രദ്ധിക്കുക.

ഹൃദ്രോഗം

ഹൃദയം ശരിയായി രക്തം പമ്പ് ചെയ്യുന്നില്ലെങ്കില്‍ കാലുകള്‍, കണങ്കാല്‍, പാദങ്ങള്‍ എന്നിവയിലെ രക്തചംക്രമണം കുറയുകയും ഇത് പാദങ്ങളില്‍ നീര്‍വീക്കത്തിന് കാരണമാവുകയും ചെയ്യുന്നു. 

 

മഗ്നീഷ്യം കുറയുമ്പോള്‍

ശരീരത്തില്‍ മഗ്നീഷ്യത്തിന്റെ അഭാവം കാലുകളില്‍ നീര്‍ വീക്കത്തിനു കാരണമാവാം.
ശരീരത്തില്‍ ആവശ്യത്തിന് മഗ്നീഷ്യം ഇല്ലെങ്കില്‍ രക്തത്തിന്റെയും ലിംഫിന്റെയും രക്തചംക്രമണവും മന്ദഗതിയിലാവുന്നു. ഇത് കാലില്‍ നീര് വയ്ക്കുന്നതിനു കാരണമാവുന്നു.

വൃക്കരോഗം

വൃക്കകള്‍ ശരിയായ രീതിയില്‍ ദ്രാവകങ്ങള്‍ ഫില്‍ട്ടര്‍ ചെയ്യുമ്പോള്‍ സോഡിയം ഉള്‍പ്പെടെയുള്ള മാലിന്യങ്ങള്‍ രക്തത്തില്‍ അടിഞ്ഞു കൂടുന്നു. ഇതും പാദങ്ങളിലും കണങ്കാലുകളിലും വീക്കം ഉണ്ടാക്കുന്നു.

നാഡി പ്രശ്‌നം

ഞരമ്പുകള്‍ തകരാന്‍ സംഭവിക്കുമ്പോള്‍ ഹൃദയത്തിലേക്കുള്ള രക്തയോട്ടം കുറയുന്നതും കാലുകളില്‍ നീരു വയ്ക്കുന്നതിന് കാരണമാവാം.

പ്രമേഹം

പ്രമേഹത്തിന്റെ ഒരു സാധാരണ ലക്ഷണമാണ് കാലിലെ നീര്‍വീക്കം. രക്തത്തിലെ പഞ്ചസാര രക്തക്കുഴലുകളെ ബാധിക്കുകയും കാലുകളിലും കണങ്കാലുകളിലും നീര്‍വീക്കത്തിന് കാരണമാവുകയും ചെയ്യുന്നു. 

ഡോക്ടറുടെ ഉപദേശം

കാലില്‍ സ്ഥിരമായി നീര്‍വീക്കം അനുഭവപ്പെടുന്നുണ്ടെങ്കില്‍ പരിഹാരം കാണുന്നതിന് നിങ്ങള്  ഒരു ഡോക്ടറുടെ ശരിയായ ഉപദേശം തേടണം.

 

സ്ഥിരമായി കാലില്‍ നീര്‍ക്കെട്ടുണ്ടാവുന്നുണ്ടെങ്കില്‍ കരളുമായോ ഹൃദയവുമായോ അല്ലെങ്കില്‍ തൈറോയ്ഡ്മായോ ബന്ധപ്പെട്ട പ്രശ്‌നമാവാം. രണ്ടു കാലുകളിലും നല്ല വീക്കമുണ്ടെങ്കില്‍ ഇത് രക്തം കട്ടപിടിക്കുന്നതോ അല്ലെങ്കില്‍ ട്യൂമറിന്റെയോ സൂചനയുമാവാം.

കാലിലെ നീര്‍ക്കെട്ട് എങ്ങനെ കുറയ്ക്കാം

ഉയരത്തില്‍ വയ്ക്കുക

കിടക്കുകയാണെങ്കില്‍ തലയിണകള്‍ ഉപയോഗിച്ച് കിടന്ന് നിങ്ങളുടെ പാദങ്ങള്‍ ഹൃദയനിരപ്പിനു മുകളിലായി ഉയര്‍ത്തിവയ്ക്കുക. ഇനി ഇരിക്കുകയാണെങ്കില്‍ ഒരു സ്റ്റൂളോ മറ്റോ വച്ച് അതിനു മുകളില്‍ കാല്‍ കയറ്റി വയ്ക്കുക. ഇങ്ങനെ ചെയ്യുമ്പോള്‍ അധികദ്രാവകം പാദങ്ങളില്‍ നിന്നു ഹൃദയത്തിലേക്കു നീങ്ങിപ്പോവും. പിന്നീടത് വൃക്കകളിലൂടെയും മൂത്രത്തിലൂടെയും പുറന്തള്ളപ്പെടും.

 

മസാജ് ചെയ്യുക

നിങ്ങളുടെ പാദങ്ങളും കണങ്കാലുകളും മസാജ് ചെയ്യുക. ഇത് രക്തചംക്രമണം കൂട്ടാന്‍ സഹായിക്കുകയും വീക്കം കുറയ്ക്കാനും സഹായിക്കും. പതുക്കെ, മൃദുവായാണ് മസാജ് ചെയ്യേണ്ടത്. സമ്മര്‍ദ്ദം ചെലുത്തി ഒരുക്കിലും മസാജ് ചെയ്യരുത്. ഇത് വിപരീത ഫലമുണ്ടാക്കും.

വെള്ളം ധാരാളം കുടിക്കുക

വെള്ളം നന്നായി കുടിക്കുമ്പോള്‍ വീക്കം കുറയാന്‍ സഹായിക്കും. ശരീരത്തില്‍ വെള്ളം കുറയുമ്പോള്‍ കൂടുതല്‍ നീര് കാലില്‍ തന്നെ നില്‍ക്കും. ഡീ ഹൈഡ്രേഷന്‍ ഇല്ലാതെ നോക്കണം.

 

ഐസ് 

കാലില്‍ നീരുള്ളിടത്ത് ഐസ് വയ്ക്കുന്നത് നല്ലതാണ്. 15-20 മിനിറ്റ് നേരം ദിവസത്തില്‍ ഒന്നോ രണ്ടോ പ്രാവശ്യം ചെയ്യുന്നത് നല്ലതാണ്. തുണിയിലോ മറ്റോ പൊതിഞ്ഞു വേണം ഐസ് വയ്ക്കാന്‍. ഇത് വീക്കം കുറയാനും വേദന കുറയാനും സഹായിക്കും. 

കംപ്രഷന്‍ സോക്‌സുകളും ഉപയോഗിക്കാം.