പാലക്കാട്: പട്ടാമ്പി വല്ലപ്പുഴയില്‍ സ്‌ക്രാപ്പ് യൂണിറ്റിന്റെ മാലിന്യ ശേഖരണത്തിന് തീപിടിച്ചു. പ്രദേശത്ത് ശക്തമായ കാറ്റ് ഉള്ളതിനാല്‍ സമീപത്തെ കുറ്റികാടുകളിലേക്കും തീ പടര്‍ന്നു. 

നിലവില്‍ തീ നിയന്ത്രണവിധേയമാണ്. പട്ടാമ്പിയില്‍ നിന്നുള്ള ഒരു ഫയര്‍ഫോഴ്‌സ് യൂണിറ്റ്, ഷൊര്‍ണൂരില്‍ നിന്നുള്ള രണ്ട് യൂണിറ്റ് എന്നിവര്‍ സ്ഥലത്തെത്തി തീയണയ്ക്കാന്‍ ശ്രമിക്കുകയാണ്. സംഭവ സമയത്ത് സമീപത്ത് ആളുകള്‍ ഇല്ലാതിരുന്നതിനാല്‍ ആര്‍ക്കും പരുക്കില്ല.