അബൂദബി: ഹംദാന്‍ സ്ട്രീറ്റിലെ സ്‌പൈസി തമിഴ്‌നാട് റെസ്റ്റോറന്റ് അടച്ചുപൂട്ടാന്‍ ഉത്തരവിട്ട് അബൂദബി അഗ്രികള്‍ച്ചര്‍ ആന്‍ഡ് ഫുഡ് സേഫ്റ്റി അതോറിറ്റി(ADAFSA). 2008 ലെ ഭക്ഷ്യസുരക്ഷാ നിയമങ്ങള്‍ സംബന്ധിച്ച, 2-ാം നമ്പര്‍ നിയമം ലംഘിച്ചു എന്നതിനെ തുടര്‍ന്നാണ് കര്‍ശന നടപടി. ഒരു തവണ മാത്രമല്ല ഇവര്‍ നിയമ ലംഘനം നടത്തിയതെന്നും എമിറേറ്റിലെ ഭക്ഷ്യസുരക്ഷാ നിയമങ്ങള്‍ തുടര്‍ച്ചയായി കാറ്റില്‍പ്പറത്തിയെന്നു ചൂണ്ടിക്കാട്ടിയാണ് ഫുഡ് സേഫ്റ്റി അതോറിറ്റിയുടെ കടുത്ത നടപടി.

أصدرت هيئة أبوظبي للزراعة والسلامة الغذائية قراراً بالإغلاق الإداري بحق منشأة "مطعم سبايسي تاميل نادو ذ.م.م " في شارع حمدان بأبوظبي، والتي تحمل الرخصة التجارية رقم (CN- 1739186) وذلك لمخالفتها القانون رقم (2) لسنة 2008 في شأن الغذاء بإمارة أبوظبي والتشريعات الصادرة بموجبه، وكذلك… pic.twitter.com/VKim2IZ1oF

— هيئة أبوظبي للزراعة والسلامة الغذائية (@adafsa_gov) February 7, 2025

പൊതുജനാരോഗ്യത്തെ അതി ഗുരുതരമായി ബാധിച്ചേക്കാവുന്ന നിയമ ലംഘനങ്ങള്‍ ഇവരുടെ ഭാഗത്തു നിന്നും ആവര്‍ത്തിച്ചു ശ്രദ്ധയില്‍പ്പെട്ടതായും ഇതിന് തെളിവുകള്‍ കണ്ടെത്തിയതായും അതോറിറ്റി പ്രസ്താവനയില്‍ പറഞ്ഞു.

ഫലപ്രദമായ തിരുത്തല്‍ നടപടികള്‍ മടപ്പിലാക്കുന്നതിലും നിയമങ്ങള്‍ പൂര്‍ണ്ണമായും പിന്തുടരുന്നതിലും റെസ്റ്റോറന്റ് പരാജയപ്പെട്ടതായി അധികൃതര്‍ വ്യക്തമാക്കി. ഭക്ഷണം പാചകം ചെയ്യുന്നിടത്ത്  പ്രാണികളെയും മറ്റും കണ്ടിരുന്നതിനാല്‍ റെസ്റ്റോറന്റിന്റെ പ്രവര്‍ത്തനം മുമ്പ് താല്‍ക്കാലികമായി നിര്‍ത്തിവെച്ചിരുന്നു. നിയമലംഘനങ്ങള്‍ പൂര്‍ണ്ണമായും പരിഹരിക്കപ്പെടുകയും പ്രവര്‍ത്തനം പുനരാരംഭിക്കുന്നതിനാവശ്യമായ എല്ലാ മുന്നൊരുക്കങ്ങളും നടത്തിയെന്ന് സ്ഥാപനം ഉറപ്പാക്കുന്നതുവരെ അടച്ചുപൂട്ടല്‍ തുടരുമെന്ന് ADAFSA അറിയിച്ചു.

അബൂദബിയിലെ ഭക്ഷ്യ സുരക്ഷാ മാനദണ്ഡങ്ങള്‍ ഉയര്‍ത്തിപ്പിടിക്കുന്നതിനും എല്ലാ ഭക്ഷ്യ സ്ഥാപനങ്ങളും നിയമങ്ങള്‍ പാലിക്കുന്നുണ്ടെന്ന് ഉറപ്പാക്കുന്നതിനുമുള്ള തുടര്‍ച്ചയായ പരിശോധനാ ശ്രമങ്ങളുടെ ഭാഗമാണ് നിയമ നടപടിയെന്ന് അതോറിറ്റി പറഞ്ഞു. എല്ലാ ബിസിനസുകളും, അവയുടെ സ്വഭാവമോ ഉല്‍പ്പന്നങ്ങളോ പരിഗണിക്കാതെ, ഭക്ഷ്യ സുരക്ഷാ ചട്ടങ്ങള്‍ പാലിക്കുന്നുണ്ടോയെന്ന് ഉറപ്പാക്കുന്നതിന് പതിവ് പരിശോധനകള്‍ക്ക് വിധേയമാണെന്ന് അതോറിറ്റി ആവര്‍ത്തിച്ചു.

Continually violated the Food Safety Act; Restaurant closed in Abu Dhabi