തിരുവനന്തപുരം: ചെറിയ ഇടവേളയ്ക്ക് ശേഷം സംസ്ഥാനത്ത് ഇന്ന് മുതൽ വീണ്ടും മഴ സജീവമാകും. ഒറ്റപ്പെട്ടെ ശക്തമായ മഴക്ക് സാധ്യതയുള്ളതായി കേന്ദ്ര കാലാവസ്ഥ വകുപ്പ് അറിയിച്ചു. ഇന്ന് മൂന്ന് ജില്ലകളിൽ യെല്ലോ അലർട്ട് പ്രഖ്യാപിച്ചിട്ടുണ്ട്. കോഴിക്കോട്, കണ്ണൂർ, കാസർകോട് ജില്ലകളിലാണ് യെല്ലോ അലർട്ട് നൽകിയത്.

ഒറ്റപ്പെട്ട ഇടങ്ങളിൽ നേരിയ മഴക്കുള്ള സാധ്യത ഉണ്ട്. കേരളത്തിൽ മിക്കയിടത്തും ഇന്ന് രാവിലെ മുതൽ നേരിയ മഴ ലഭിക്കുന്നുണ്ട്. വിവിധ ഇടങ്ങളിൽ റോഡിൽ കുഴി രൂപപ്പെട്ടതിനാൽ വാഹനങ്ങളിൽ പോകുന്നവരും കാൽനട യാത്രക്കാരും ജാഗ്രത പാലിക്കണം. ജാർഖണ്ഡിന് മുകളിലായി ന്യൂനമർദ്ദം സ്ഥിതിചെയ്യുന്നതിന്റെ സ്വാധീനഫലമായാണ് കേരളത്തിൽ മഴ തുടരുന്നത്. 

ALSO READ: കൊടിഞ്ഞി ഫൈസല്‍ വധം: വിചാരണ ആരംഭിച്ചു; വിചാരണ, നടപടി ഒമ്പത് വര്‍ഷത്തിന് ശേഷം, പ്രതികള്‍ 16 ആര്‍.എസ്.എസ്, വി.എച്ച്.പി പ്രവര്‍ത്തകര്‍

കേരളത്തിൽ ശക്തമായ കാറ്റ് വീശാനും സാധ്യത ഉണ്ട്. മണിക്കൂറിൽ 40 കിലോമീറ്റർ വരെ വേഗതയിൽ വരെ കാറ്റ് വീശിയേക്കാം. തീരദേശ മേഖലയിൽ കടൽക്ഷോഭ സാധ്യതയുള്ളതിനാൽ തീരപ്രദേശത്തുള്ളവർ പ്രത്യേക ജാഗ്രത പുലർത്തണമെന്ന് മുന്നറിയിപ്പുണ്ട്. അതേസമയം കേരള - കർണാടക - ലക്ഷദ്വീപ് തീരങ്ങളിൽ മത്സ്യബന്ധന വിലക്ക് ഏർപ്പെടുത്തിയിട്ടില്ല. എന്നാൽ ട്രോളിംഗ് നിരോധനം നിലനിൽക്കുന്നുണ്ട്.

After a brief break, rains are set to intensify again in Kerala starting today, according to the India Meteorological Department (IMD). The weather forecast indicates a possibility of isolated heavy rainfall across parts of the state. A yellow alert has been issued in three districts today — Kozhikode, Kannur, and Kasaragod.