ഷാര്‍ജ: ഷാര്‍ജയില്‍ നീന്തല്‍ കുളത്തില്‍ വീണ് മലയാളി യുവാവ് മുങ്ങി മരിച്ചു. പത്തനംതിട്ട കിടങ്ങന്നൂര്‍ നാല്‍ക്കാലിക്കല്‍ പീടികയില്‍ ജോണ്‍സണ്‍ തോമസിന്റെ മകന്‍ ജോവ ജോണ്‍സണ്‍ തോമസ് (20) ആണ് ദാരുണമായി മുങ്ങിമരിച്ചത്. ഞായര്‍ രാത്രി നീന്തല്‍ക്കുളത്തിന് സമീപത്തുകൂടി ഫോണില്‍ സംസാരിച്ച് നടക്കുന്നതിനിടെയാണ് സംഭവം. നടക്കുന്നതിനിടെ ജോവ ജോണ്‍സണ്‍ അബദ്ധത്തില്‍ കുളത്തിലേക്ക് കാല്‍വഴുതി വീഴുകയായിരുന്നു. നീന്തല്‍ അറിയാത്ത ജോവ മുങ്ങിമകിക്കുകയായിരുന്നു. 

ഷാര്‍ജയില്‍ ഓയില്‍ കമ്പനിയില്‍ കെമിക്കല്‍ ലാബ് അസിസ്റ്റന്റായി ജോലി ചെയ്തുവരികയായിരുന്നു ജോവ. ഒമ്പത് മാസം മുമ്പാണ് ജോവ ജോണ്‍സണ്‍ ഷാര്‍ജയില്‍ എത്തിയത്. 
ജോവയുടെ പിതാവ് ജോണ്‍സണ്‍ ഫുജൈറയില്‍ അലുമിനിയം ഫാബ്രിക്കേഷന്‍ കട നടത്തിവരികയാണ്. 
ജോമയുടെ മൃതദേഹം നാട്ടിലെത്തിക്കാനുള്ള ശ്രമത്തിലാണെന്ന് ബന്ധുക്കള്‍ അറിയിച്ചു.

Malayali man drowns in swimming pool in Sharjah