ഷാര്‍ജ: മോട്ടോര്‍ സൈക്കിള്‍ അപകടത്തില്‍ തലയ്ക്ക് ഗുരുതരമായി പരുക്കേറ്റ 51 കാരിയായ സ്ത്രീയെ ഹെലികോപ്റ്റര്‍ വഴി ആശുപത്രിയിലേക്ക് മാറ്റി. ആഭ്യന്തര മന്ത്രാലയത്തിലെ ജനറല്‍ ഡയറക്ടറേറ്റ് ഓഫ് സെക്യൂരിറ്റി സപ്പോര്‍ട്ടിലെ എയര്‍ വിംഗ് ഡിപ്പാര്‍ട്ട്‌മെന്റിലെ എയര്‍ ആംബുലന്‍സ് ജീവനക്കാരാണ് അടിയന്തര എയര്‍ലിഫ്റ്റിംഗ് നടത്തിയത്.

ഷാര്‍ജയിലെ അല്‍ ബദായര്‍ പ്രദേശത്ത് വെച്ചാണ് ഇവര്‍ അപകടത്തില്‍ പെട്ടത്. അപകടത്തില്‍പ്പെട്ടത് ഒരു യൂറോപ്യന്‍ പ്രവാസി വനിതയാണെന്നാണ് പുറത്തുവരുന്ന വിവരങ്ങള്‍ ചൂണ്ടിക്കാട്ടുന്നത്.

تمكنت أطقم طيران الإسعاف الجوي بإدارة جناح الجو في الإدارة العامة للإسناد الأمني بوزارة الداخلية، من المساهمة في إنقاذ حياة سيدة من الجنسية الأوروبية تبلغ من العمر 51 عاماً تعرضت لإصابات بليغة بالرأس إثر حادث تدهور دراجتها النارية بمنطقة البداير بإمارة الشارقة، وذلك بعد أن تلقت… pic.twitter.com/F7sNTknTvw

— وزارة الداخلية (@moiuae) February 14, 2025

അപകടത്തെക്കുറിച്ച് ഷാര്‍ജ പൊലീസിന്റെ ജനറല്‍ കമാന്‍ഡില്‍ നിന്ന് എയര്‍ വിംഗിന്റെ ഓപ്പറേഷന്‍സ് റൂമില്‍ വിവരം ലഭിച്ചതിനെ തുടര്‍ന്നാണ് എയര്‍ ലിഫ്റ്റിംഗ് പ്രവര്‍ത്തനം ആരംഭിച്ചത്. ആവശ്യമായ വൈദ്യചികിത്സയ്ക്കായി ഇവരെ ഉടന്‍ തന്നെ അല്‍ ദൈദ് ആശുപത്രിയിലേക്ക് ഹെലികോപ്റ്റര്‍ വഴി കൊണ്ടുപോയി.

A woman injured in a bike accident in Sharjah was airlifted