തൃശൂര്‍: ചാലക്കുടിയില്‍ വാഹനാപകടത്തില്‍ സഹോദരങ്ങള്‍ക്ക് ദാരുണാന്ത്യം. പട്ടി മറ്റം സ്വദേശികളായ സുരാജ് (32), സിജീഷ് (26) എന്നിവരാണ് മരിച്ചത്. ഇന്ന് പുലര്‍ച്ചെ അഞ്ചുമണിയോടെ പോട്ട നാടുകുന്ന് വെച്ചാണ് അപകടമുണ്ടായത്. 

ഇവര്‍ സഞ്ചരിച്ചിരുന്ന ബൈക്ക് ദേശീയപാതയിലെ ഡിവൈഡറില്‍ ഇടിച്ചുകയറുകയായിരുന്നു. മുരിങ്ങൂരിലുള്ള ബന്ധുവീട്ടില്‍ കുടുംബസമേതമുള്ള ഒത്തുചേരലില്‍ പങ്കെടുത്ത് വീട്ടിലേക്ക് തിരിച്ചുപോകുന്നതിനിടെയാണ് അപകടമുണ്ടായത്. മറ്റേതെങ്കിലും വാഹനത്തില്‍ തട്ടിയാണോ അപകടമുണ്ടായതെന്നടക്കമുള്ള കാര്യങ്ങള്‍ പൊലിസ് അന്വേഷിച്ചുവരികയാണ്.