ചെന്നൈ: 2025 ഐപിഎല്ലിന് മുന്നോടിയായി ചെന്നൈ സൂപ്പർ കിങ്സിന്റെ അസിസ്റ്റന്റ് ബൗളിംഗ് പരിശീലകാനായി മുൻ ഇന്ത്യൻ താരം ശ്രീറാം ശ്രീധരനെ നിയമിച്ചു. ഇന്ത്യക്ക് വേണ്ടിയും തമിഴ് നാടിനു വേണ്ടിയും ശ്രീറാം ശ്രീധർ കളിച്ചിട്ടുണ്ട്. ഇന്ത്യക്ക് വേണ്ടി എട്ട് മത്സരങ്ങളിലാണ് താരം കളിച്ചിട്ടുള്ളത്. ഇതിൽ 81 റൺസ് നേടാനും തമിഴ്നാട് താരത്തിന് സാധിച്ചിട്ടുണ്ട്. ഓസ്‌ട്രേലിയൻ ക്രിക്കറ്റ് ടീമിനൊപ്പവും ശ്രീറാം പ്രവർത്തിച്ചിട്ടുണ്ട്. ഓസീസ് ടീമിന്റെ സ്പിൻ ബൗളിംഗ് പരിശീലകനായിട്ടായിരുന്നു താരം പ്രവർത്തിച്ചിരുന്നത്. കഴിഞ്ഞ സീസണിൽ ലഖ്‌നൗ സൂപ്പർ ജയന്റ്സിന്റെ അസിസ്റ്റന്റ് പരിശീലകനായും ശ്രീറാം സേവനമനുഷ്ഠിച്ചിട്ടുണ്ട്.

ഇന്ത്യൻ പ്രീമിയർ ലീഗിന്റെ പതിനെട്ടാം സീസണിൽ മാർച്ച് 23നാണ് ചെന്നൈയുടെ ആദ്യ മത്സരം. മുംബൈ ഇന്ടിൻസിനെതിരെയാണ് സിഎസ്കെ സീസണിലെ തങ്ങളുടെ ആദ്യ മത്സരം കളിക്കുന്നത്. ഐപിഎല്ലിലെ ആറാം കിരീടം ലക്ഷ്യം വെച്ചായിരിക്കും ചെന്നൈ കളത്തിലറങ്ങുക. ഈ സീസണിൽ മെഗാ ലേലത്തിൽ മികച്ച താരങ്ങളെ ടീമിലെത്തിച്ചുകൊണ്ടാണ് ചെന്നൈ പോരാട്ടത്തിനിറങ്ങുന്നത്. 

2025 ഐപിഎൽ ചെന്നൈ സൂപ്പർ കിങ്‌സ് സ്‌ക്വാഡ്

റുതുരാജ് ഗെയ്‌ക്‌വാദ്)ക്യാപ്റ്റൻ), മതീശ പതിരണ, ശിവം ദുബെ, രവീന്ദ്ര ജഡേജ, എംഎസ് ധോണി, ഡെവോൺ കോൺവേ കോൺവേ, രാഹുൽ ത്രിപാഠി, രചിൻ രവീന്ദ്ര, ആർ അശ്വിൻ, നൂർ അഹമ്മദ്, വിജയ് ശങ്കർ, സാം കറാൻ, ഷെയ്ക് റഷീദ്, അൻഷുൽ കാംബോജ്, മുകേഷ് ചൗധരി, ജിജാപ് ചൗധരി, ദീപക് സിംഗ്, നഥാൻ എല്ലിസ്, ജാമി ഓവർട്ടൺ, കമലേഷ് നാഗർകോട്ടി, രാമകൃഷ്ണ ഘോഷ്, ശ്രേയസ് ഗോപാൽ, വൻഷ് ബേദി, ആന്ദ്രേ സിദ്ധാർഥ്.