ആലപ്പുഴ: കായംകുളത്ത് വന്ദേഭാരത് എക്‌സ്‌പ്രസ് തട്ടി ഒമ്പതാം ക്ലാസ് വിദ്യാർത്ഥിനിയ്ക്ക് ദാരുണാന്ത്യം. തെക്കേക്കര വാത്തിക്കുളം സ്വദേശിനി ശ്രീലക്ഷ്മി എന്ന ശ്രീക്കുട്ടി (15) ആണ് അപകടത്തിൽ മരിച്ചത്. മാവേലിക്കര ഗേൾസ് ഹയർ സെക്കൻഡറി സ്കൂളിലെ വിദ്യാർത്ഥിനിയായിരുന്നു ശ്രീലക്ഷ്മി. 

കായംകുളം കാക്കാനാടിന് കിഴക്ക് ഹോളി മേരി സ്കൂളിന് സമീപമുള്ള ലെവൽ ക്രോസിലായിരുന്നു അപകടമുണ്ടായത്. സന്ധ്യയോടെ ട്രാക്ക് മുറിച്ച് കടക്കുമ്പോൾ വന്ദേഭാരത് എക്‌സ്‌പ്രസാണ്  പെൺകുട്ടിയെ തട്ടിയതെന്നാണ് പ്രാഥമിക നിഗമനം.പ്രദേശവാസികൾ വിവരം അറിയിച്ചതിനെ തുടർന്ന് കായംകുളം പൊലീസ് സ്ഥലത്തെത്തി. മൃതദേഹം കായംകുളം താലൂക്ക് ആശുപത്രി മോർച്ചറിയിലേക്ക് മാറ്റി. പോസ്റ്റുമോർട്ടത്തിന് ശേഷം മൃതദേഹം കുടുംബത്തിന് വിട്ടുനൽകും.

തുടർന്ന് നടന്ന അന്വേഷണത്തിൽ, കുട്ടി ട്രാക്കിലൂടെ ഫോണിൽ സംസാരിച്ച് നടക്കുന്നതായി പ്രദേശവാസികൾ നാട്ടുകാർ പറഞ്ഞു. പോലീസ് സംഭവത്തെക്കുറിച്ച് കൂടുതൽ അന്വേഷണം ആരംഭിച്ചു.