റാവൽപിണ്ടിയിലെ ഐസിസി ചാമ്പ്യൻസ് ട്രോഫി 2025 മത്സരത്തിനിടയിൽ ശക്തമായ മഴ കാരണം പാകിസ്ഥാൻ - ബംഗ്ലാദേശ് മത്സരം ഉപേക്ഷിച്ചതോടെ, പാകിസ്ഥാൻ ക്രിക്കറ്റ് ബോർഡിനെ (PCB) രൂക്ഷമായി വിമർശിച്ച് ആരാധകർ ട്രോളുകൾ ഇറക്കുന്നു.

മത്സരം ഉപേക്ഷിച്ചതോടെ, പാകിസ്ഥാനും ബംഗ്ലാദേശും ഓരോ പോയിന്റ് വീതം പങ്കിടുകയും ടൂർണമെന്റിൽ നിന്ന് പുറത്താകുകയും ചെയ്തു.

ഐസിസി ചാമ്പ്യൻസ് ട്രോഫി 2025 പോയിന്റ് ടേബിള്‍ പ്രകാരം, പാകിസ്ഥാൻ -  -1.087നെറ്റ് റൺ റേറ്റുമായി അവസാന സ്ഥാനത്തും, -0.443 നെറ്റ് റൺ റേറ്റുമായി ബംഗ്ലാദേശ് മൂന്നാം സ്ഥാനത്തുമാണ്. രോഹിത് ശർമയുടെ നേതൃത്വത്തിലുള്ള ഇന്ത്യയും മിച്ചൽ സാന്റ്നറിന്റെ നേതൃത്വത്തിലുള്ള ന്യൂസിലൻഡും സെമിഫൈനലിലേക്ക് യോഗ്യത നേടി. മാർച്ച് 2ന് ദുബൈയിൽ ഗ്രൂപ്പ് എയിലെ അവസാന ലീഗ് മത്സരത്തിൽ അവർ ഏറ്റുമുട്ടും.

ആരാധകരുടെ പ്രതികരണം:

“29 വർഷത്തിന് ശേഷം പാകിസ്ഥാൻ ഒരു ഐസിസി ടൂർണമെന്റ് ആതിഥേയത്വം വഹിച്ചു. സ്വന്തം നാട്ടിൽ 1 മത്സരം മാത്രം കളിച്ചു, ഒരു മത്സരം വിദേശത്തും, 4 ദിവസത്തിനുള്ളിൽ പുറത്തായി, ഗ്രൂപ്പ് ഘട്ടത്തിൽ അവസാനിച്ചു!”

“മത്സരം മഴമൂലം ഉപേക്ഷിച്ചു. ഔദ്യോഗികമായി ഉറപ്പായി, പാകിസ്ഥാൻ ഒരു ഐസിസി ടൂർണമെന്റിന് ആതിഥേയത്വം വഹിച്ച് ഒരു മത്സരം പോലും ജയിക്കാത്ത ആദ്യരാജ്യമായി.”

“പോയിന്റ് ടേബിളിന്റെ അവസാനത്തിൽ വിജയകരമായി പാകിസ്ഥാൻ എത്തി! ഒരു മത്സരം പോലും ജയിക്കാതെ…”
ചാമ്പ്യൻസ് ട്രോഫിയിൽ മോശം പ്രകടനം പുറത്തെടുത്തതോടെ, നിലവിലെ ചാമ്പ്യന്മാരായ പാകിസ്ഥാൻ ചരിത്രത്തിലെ ഏറ്റവും അപമാനകരമായ റിക്കോർഡ് സ്വന്തമാക്കി.