HOME
DETAILS

പൊതുജനങ്ങളിൽ ആരോഗ്യകരമായ ജീവിതശൈലി പ്രോത്സാഹിപ്പിക്കാൻ ലക്ഷ്യം; ഖത്തറിൽ മൂന്ന് പബ്ലിക് പാർക്കുകൾ തുറന്നു

  
February 27, 2025 | 5:28 PM

Qatar Opens Three Public Parks to Promote Healthy Lifestyle

ദോഹ: പൊതുജനങ്ങളിൽ ആരോഗ്യകരമായ ജീവിതശൈലി പ്രോത്സാഹിപ്പിക്കാൻ ലക്ഷ്യമിട്ട് വ്യായാമത്തിനായുള്ള കായിക സൗകര്യങ്ങൾ അടക്കമുള്ള സജ്ജീകരണങ്ങളുമായി ഖത്തറിൽ മൂന്ന് പാർക്കുകൾ തുറന്നു കൊടുത്തു. അൽ മഷാഫ് പാർക്ക്, റൗദത്ത് എഗ്‌ദം പാർക്ക്, അൽ വക്ര പബ്ലിക് പാർക്ക് എന്നിവയാണ് കഴിഞ്ഞ ദിവസം ഉദ്ഘാടനം ചെയ്തത്.

ഖത്തർ പൊതുമരാമത്ത് അതോറിറ്റി (അഷ്ഗാൽ)യുമായി സഹകരിച്ച് മുനിസിപ്പാലിറ്റി മന്ത്രാലയമാണ് പദ്ധതി നടപ്പാക്കുന്നത്. ഖത്തർ നാഷനൽ വിഷൻ 2030 ന്റെ ഭാഗമായി, ഹരിത ഇടങ്ങൾ വികസിപ്പിക്കുക, പരിസ്‌ഥിതി സുസ്‌ഥിരത വർധിപ്പിക്കുക, പൊതുജനങ്ങളുടെ ജീവിത നിലവാരം ഉയർത്തുന്നതിന് സൗകര്യമൊരുക്കുക തുടങ്ങിയ ലക്ഷ്യങ്ങളോടെയാണ് പുതുതായി മൂന്ന് പാർക്കുകൾ നിർമ്മിച്ചത്.

മൊത്തം 46,601 ചതുരശ്ര മീറ്റർ വിസ്തീർണ്ണത്തിലാണ് അൽ വക്ര പബ്ലിക് പാർക്ക് നിർമ്മിച്ചിട്ടുള്ളത്. അതിൽ 62 ശതമാനവും (31,585 ചതുരശ്ര മീറ്റർ) ഹരിത ഇടങ്ങളാണ്. 4,741 ചതുരശ്ര മീറ്ററാണ് അൽ മഷാഫ് പാർക്കിന്റെ ആകെ വിസ്തീർണ്ണം. 97 മരങ്ങളുള്ള പാർക്കിന്റെ 2,648 ചതുരശ്ര മീറ്റർ വിസ്‌തീർണ്ണവും പച്ചപ്പാണ്. ഇത് അൽ വുഖെയ്ർ പ്രദേശത്തെ ഏറ്റവും പ്രധാനപ്പെട്ട വിനോദ കേന്ദ്രങ്ങളിലൊന്നായി മാറുമെന്നാണ് പ്രതീക്ഷിക്കുന്നത്.

ആകെ 24,000 ചതുരശ്ര മീറ്റർ വിസ്തീർണ്ണത്തിലാണ് റൗദത്ത് എഗ്‌ദൈം പാർക്ക് നിർമിച്ചിരിക്കുന്നത്. വിശ്രമിക്കാനും വ്യായാമം ചെയ്യാനുമുള്ള സൗകര്യവും റൗദത്ത് റൗദത്ത് എഗ്‌ദൈം പാർക്കിൽ ഒരുക്കിയിട്ടുണ്ട്. അൽ റയ്യാൻ മുനിസിപ്പാലിറ്റിയിലെ ഏറ്റവും പ്രധാനപ്പെട്ട വിനോദ കേന്ദ്രങ്ങളിലൊന്നായി റൗദത്ത് എഗ്‌ദൈം പാർക്ക് മാറുമെന്നാണ് പ്രതീക്ഷിക്കുന്നത്.

പാർക്കുകളുടെ ഉദ്ഘാടനത്തിൽ മുനിസിപ്പാലിറ്റി മന്ത്രാലയത്തിലെ പൊതു സേവന കാര്യങ്ങളുടെ അസിസ്റ്റന്റ് അണ്ടർസെക്രട്ടറി എൻജീനിയർ അബ്‌ദുല്ല അഹമ്മദ് അൽ കരാനി, അൽ റയ്യാൻ മുനിസിപ്പാലിറ്റി ഡയറക്‌ടർ ജനറൽ മൻസൂർ അജ്റാൻ അൽ ബുഐനൈൻ, അൽ വക്ര മുനിസിപ്പാലിറ്റി ഡയറക്‌ടർ ജനറൽ ജാബർ ഹസ്സൻ അൽ ജാബർ, അൽ വക്ര, അൽ റയ്യാൻ മുനിസിപ്പാലിറ്റിയിലെയും പൊതുമരാമത്ത് അതോറിറ്റിയിലെയും ഉദ്യോഗസ്ഥർ തുടങ്ങിയവർ പങ്കെടുത്തു.

Qatar has inaugurated three public parks aimed at encouraging a healthy lifestyle among its citizens and residents, promoting wellness and outdoor activities.



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."




No Image

തെങ്കാശിയില്‍ സ്വകാര്യ ബസുകള്‍ കൂട്ടിയിടിച്ച് അപകടം; 6 മരണം, 28 പേര്‍ക്ക് പരുക്ക്

National
  •  6 days ago
No Image

പാകിസ്താനിലെ പെഷവാറിൽ സുരക്ഷാ സമുച്ചയത്തിന് നേരെയുണ്ടായ ചാവേർ ആക്രമണം; ആറ് പേർ കൊല്ലപ്പെട്ടു

International
  •  6 days ago
No Image

റൊണാൾഡോയും മെസിയുമല്ല, ഫുട്ബോളിലെ ഗോട്ട് അവനാണ്: മൗറീഞ്ഞോ

Football
  •  6 days ago
No Image

വിളവെടുപ്പ് സമയത്തെ അപ്രതീക്ഷിത മഴ: ആധിയില്‍ കാപ്പി കര്‍ഷകര്‍

Kerala
  •  6 days ago
No Image

ഇത് കോഴിക്കോട്ടെ വോട്ട് വീട്; നാല് തലമുറയായി പേരിന്റെ അറ്റത്ത് വോട്ടുള്ളവര്‍

Kerala
  •  6 days ago
No Image

സഞ്ജു ഏകദിന ടീമിൽ സ്ഥാനം അർഹിക്കുന്നുണ്ട്, അതിന് ഒറ്റ കാരണമേയുള്ളൂ; അനിൽ കുംബ്ലെ

Cricket
  •  6 days ago
No Image

നാലുപതിറ്റാണ്ട് കാലത്തെ തെരഞ്ഞെടുപ്പ് ഓര്‍മകള്‍; കാലം മായ്ക്കാത്ത നീലേശ്വരത്തെ ചുവരെഴുത്ത് 

Kerala
  •  6 days ago
No Image

ഹനാന്‍ ഷായുടെ ഗാനമേളക്കിടെ ആളുകള്‍ കുഴഞ്ഞുവീണ സംഭവം; അഞ്ചു പേര്‍ക്കെതിരെ കേസ്

National
  •  6 days ago
No Image

കൈനകരിയില്‍ ഗര്‍ഭിണിയെ കാമുകനും പെണ്‍സുഹൃത്തും ചേര്‍ന്ന് കൊലപ്പെടുത്തിയ കേസ്: ഒന്നാം പ്രതിക്ക് തൂക്കുകയര്‍ വിധിച്ച് കോടതി

Kerala
  •  6 days ago
No Image

പരിചയ സമ്പന്നനായ താരമായിട്ടും അവന് ഇന്ത്യൻ ടീമിൽ അവസരമില്ല: കൈഫ് 

Cricket
  •  6 days ago