ദോഹ: മാർച്ചിലെ ഇന്ധനവില പ്രഖ്യാപിച്ച് ഖത്തർ. സൂപ്പർ ഗ്രേഡ് പെട്രോൾ, ഡീസൽ വിലയിൽ മാറ്റമില്ല, അതേസമയം പ്രീമിയം ഗ്രേഡ് പെട്രോൾ നിരക്കിൽ നേരിയ വർധനയുണ്ട്.

പുതുക്കിയ നിരക്ക് അനുസരിച്ച് മാർച്ച് 1 മുതൽ പ്രീമിയം പെട്രോളിന് ലിറ്ററിന് 2.05 റിയാൽ ആയിരിക്കും നിരക്ക്. അതേസമയം, ഫെബ്രുവരിയിൽ ഇത് 2 റിയാൽ ആയിരുന്നു. സൂപ്പർ ഗ്രേഡ് പെട്രോളിന്റെ നിരക്കിൽ മാറ്റമില്ല, ഫെബ്രുവരിയിലെ നിരക്കായ 2.10 റിയാലിൽ തന്നെ തുടരും, ഡീസലിനും 2.05 റിയാലാണ് നിരക്ക്.

ഖത്തർ എനർജിയാണ് ഇന്ധനവില പ്രഖ്യാപിച്ചത്. 2017 സെപ്റ്റംബർ മുതലാണ് രാജ്യാന്തര എണ്ണ വിപണി അനുസരിച്ച് എല്ലാ മാസവും ഇന്ധനവില പുതുക്കി നിശ്ചയിക്കാൻ ആരംഭിച്ചത്.

Qatar Announces March Fuel Prices with Increase in Premium Petrol