അബൂദബി: മാര്‍ബിളുകളില്‍ തൂണുകളില്‍ ഒളിപ്പിച്ച് 184 കിലോഗ്രാം കടത്താന്‍ ശ്രമിച്ച 2 ഏഷ്യന്‍ വംശജരെ അബൂദബി പൊലിസ് അറസ്റ്റു ചെയ്തു. സീക്രട്ട് ഹൈഡൌട്ട്‌സ് എന്ന രഹസ്യനാമത്തില്‍ നടത്തിയ ഓപ്പറേഷനിലാണ് 184 കിലോഗ്രാം പിടികൂടിയത്. ഹാഷിഷ്, കഞ്ചാവ് പോലുള്ള ലഹരി മരുന്നുകള്‍ വിതരണം ചെയ്യാന്‍ ശ്രമിക്കുന്നവര്‍ക്കുള്ള വലിയ മുന്നറിയിപ്പാണിതെന്ന് പൊലിസ് മുന്നറിയിപ്പ് നല്‍കി. 

ഒരു വ്യക്തിയുടെ നേതൃത്വത്തില്‍ വിദേശത്തു നിന്നും പ്രവര്‍ത്തിക്കുന്ന ക്രിമിനല്‍ ശൃംഖല, മയക്കുമരുന്നും ലഹരിമരുന്നും വില്‍ക്കാനായി പ്രമോഷനല്‍ സന്ദേശങ്ങള്‍ അയയ്ക്കാന്‍ അന്താരാഷ്ട്ര ഫോണ്‍ നമ്പറുകള്‍ ഉപയോഗിച്ചതായി അബൂദബി പൊലിസിന്റെ ക്രിമിനല്‍ സെക്യൂരിറ്റി സെക്ടറിലെ ആന്റിനാര്‍ക്കോട്ടിക്‌സ് ഡയറക്ടറേറ്റ് ഡയറക്ടര്‍ ബ്രിഗേഡിയര്‍ താഹെര്‍ ഗരിബ് അല്‍ ദഹേരി വെളിപ്പെടുത്തി.

#فيديو | #شرطة_أبوظبي تضبط شخصين آسيويين بحوزتهم 184 كيلوجرامًا مواد مخدرة

التفاصيل :https://t.co/IA0o9uuiuu pic.twitter.com/NEhanLwbYJ

— شرطة أبوظبي (@ADPoliceHQ) March 6, 2025

എമിറേറ്റിലെ മയക്കുമരുന്ന് വിരുദ്ധ ഡയറക്ടറേറ്റ് നടത്തിയ പരിശോധനയിലാണ് പ്രതികളെ പിടികൂടിയത്. മാര്‍ബിള്‍ തൂണുകള്‍ക്കുള്ളില്‍ ഒളിപ്പിച്ച നിലയിലാണ് മയക്കുമരുന്ന് കണ്ടെത്തിയത്. രണ്ടുപേരെയും കോടതിനടപടികള്‍ക്കായി റിമാന്‍ഡ് ചെയ്തു.

Two arrested in Abu Dhabi for smuggling hashish hidden inside marbles