ദുബൈ: ലണ്ടനിലെ ഹീത്രോ വിമാനത്താവളത്തിന് സമീപത്തെ ഇലക്ട്രിക്കൽ സബ്‌സ്റ്റേഷനിലുണ്ടായ തീപിടുത്തത്തെത്തുടർന്ന് വൈദ്യുതി തടസമുണ്ടയതിനാൽ മാർച്ച് 21ന് ഹീത്രോയിലേക്കും തിരിച്ചുമുള്ള നിരവധി വിമാന സർവിസുകൾ റദ്ദാക്കിയതായി എമിറേറ്റ്‌സ് അറിയിച്ചു.

ഹീത്രോ എയർപോർട് താൽക്കാലികമായി അടച്ചതിനാൽ EK001/002, EK029/030, EK031/032 തുടങ്ങിയ വിമാനങ്ങൾ സർവിസ് നടത്തില്ലെന്ന് എയർലൈൻ വ്യക്തമാക്കി. ഈ വിമാനങ്ങളിൽ ടിക്കറ്റ് ബുക്ക് ചെയ്തതോ കണക്റ്റ് ചെയ്തതോ ആയ യാത്രക്കാരെ യാത്രക്ക് സ്വീകരിക്കില്ല. സ്ഥിതിഗതികൾ സൂക്ഷ്മമായി നിരീക്ഷിച്ചുവരികയാണെന്നും വിവരങ്ങൾ യഥാസമയം അപ്‌ഡേറ്റ് ചെയ്യുമെന്നും എയർലൈൻ അറിയിച്ചു.

"യാത്രയ്ക്ക് മുമ്പ് ഉപഭോക്താക്കൾ അപ്‌ഡേറ്റുകൾക്കായി എയർലൈനിന്റെ വെബ്സൈറ്റ് പരിശോധിക്കണം. ഏറ്റവും പുതിയ അപ്ഡേറ്റുകൾക്കായി മാനേജ് യുവർ ബുക്കിംഗ് വഴി തങ്ങളുടെ കോൺടാക്റ്റ് വിശദാംശങ്ങൾ കൃത്യമാണെന്ന് ഉറപ്പാക്കുകയും ചെയ്യണമെന്ന് എമിറേറ്റ്സ് നിർദ്ദേശിച്ചു." 

യാത്രക്കാർക്ക് നേരിട്ട അസൗകര്യത്തിൽ എയർലൈൻ ഖേദം പ്രകടിപ്പിച്ചു. അസൗകര്യം നേരിട്ട യാത്രക്കാർക്ക് യുകെയിലെ മറ്റ് വിമാനത്താവളങ്ങളിലേക്ക് യാത്ര പുനഃക്രമീകരിക്കുകയോ അല്ലെങ്കിൽ മറ്റൊരു തീയതിയിലേക്ക് യാത്ര മാറ്റി വക്കുകയോ ചെയ്യുന്നതിനുള്ള സൗകര്യം ലഭ്യമാണ്. ട്രാവൽ ഏജന്റുമാർ വഴി ടിക്കറ്റ് ബുക്ക് ചെയ്തവർ തങ്ങളുടെ ഏജന്റുമാരുമായി ബന്ധപ്പെടണം, അതേസമയം എമിറേറ്റ്സിൽ നേരിട്ട് ബുക്ക് ചെയ്ത ഉപഭോക്താക്കൾക്ക് സഹായത്തിനായി ബന്ധപ്പെടാം. 

ലണ്ടനിലെ ഒരു ഇലക്ട്രിക്കൽ സബ്‌സ്റ്റേഷനിലുണ്ടായ തീപിടുത്തത്തെ തുടർന്ന് ഹീത്രോ വിമാനത്താവളം ഇന്ന് മുഴുവൻ അടച്ചിടുമെന്ന് അറിയിച്ചു. ഇത് ലോകമെമ്പാടുമുള്ള വിമാന സർവിസുകൾ തടസപ്പെടുന്നതിന് ഇടയാക്കി. യൂറോപ്പിലെ ഏറ്റവും തിരക്കേറിയതും ലോകത്തിലെ ഏറ്റവും തിരക്കേറിയ അഞ്ചാമത്തെയും വിമാനത്താവളമാണ് ലണ്ടനിലെ ഹീത്രോ വിമാനത്താവളം.

Emirates has announced the cancellation of several flights to and from Heathrow Airport on March 21 due to a power disruption caused by a fire at a nearby electrical substation. Passengers are advised to check for updates and make alternative travel arrangements.