തിരുവനന്തപുരം: സംസ്ഥാനത്ത് മഴയ്ക്കു സാധ്യത. ഏഴു ജില്ലകളില്‍ യെല്ലോ അലര്‍ട്ട് പ്രഖ്യാപിച്ചു. തിരുവനന്തപുരം, പത്തനംതിട്ട, എറണാകുളം, തൃശൂര്‍, പാലക്കാട്, മലപ്പുറം, വയനാട് എന്നീ ജില്ലകളിലാണ് യെല്ലോ അലര്‍ട്ട്. നാളെ മലപ്പുറം- വയനാട് ജില്ലകളിലും യെല്ലോ അലര്‍ട്ട് പുറപ്പെടുവിച്ചിട്ടുണ്ട്. ഈ ജില്ലകളില്‍ ഒറ്റപ്പെട്ട ശക്തമായ മഴ ലഭിക്കും.

ഇടിമിന്നലോടു കൂടിയ മഴയ്ക്കാണ് സാധ്യത. ഇടിയും മിന്നലും അപകടകാരികളാണെന്നും കാര്‍മേഘം കണ്ടു തുടങ്ങുമ്പോള്‍ തന്നെ മുന്‍ കരുതല്‍ സ്വീകരിക്കേണ്ടതാണെന്നും കാലാവസ്ഥ വകുപ്പ് അറിയിച്ചു. ഇടിമിന്നല്‍ എപ്പോഴും ദൃശ്യമാകണമെന്നില്ലാത്തതിനാല്‍ ഇത്തരം മുന്‍കരുതല്‍ സ്വീകരിക്കണമെന്നും കാലാവസ്ഥ അധികൃതര്‍ അറിയിച്ചു.

 പല സ്ഥലങ്ങളിലും ചൂട് കൂടുതലാണ്. അതേസമയം തിരുവനന്തപുരത്ത് കനത്ത മഴയില്‍ മരം ഒടിഞ്ഞു വീണു. കുന്നത്തുകാല്‍ കോട്ടുകോണം ആയുര്‍വേദ ആശുപത്രി കെട്ടിടത്തിനു മുകളിലാണ് മരം വീണത്.