പാലക്കാട്: കേരളത്തില്‍ സില്‍വര്‍ ലൈന്‍ പദ്ധതി വരാന്‍ പോകുന്നില്ലെന്നും പദ്ധിതിക്ക് കേന്ദ്രസര്‍ക്കാര്‍ അനുമതി നല്‍കില്ലെന്നും മെട്രോമാന്‍ ഇ ശ്രീധരന്‍. സംസ്ഥാനസര്‍ക്കാര്‍ പദ്ധതി ഉപേക്ഷിച്ചു എന്ന് അറിയിച്ചാല്‍ ബദല്‍ പദ്ധതിയുമായി മുന്നോട്ട് പോകണമെന്ന് കേന്ദ്ര സര്‍ക്കാരുമായി സംസാരിക്കുമെന്നും ശ്രീധരന്‍.

 പാലക്കാട് മാധ്യമങ്ങളോട് സംസാരിക്കുകയായിരുന്നു അദ്ദേഹം. കെ റെയിലുമായി മുന്നോട്ടുപോകുമെന്ന സംസ്ഥാന സര്‍ക്കാരിന്റെ നിലപാടിനെ തള്ളിയാണ് ശ്രീധരന്‍ രംഗത്തു വന്നത്. പദ്ധതിയുടെ രൂപരേഖ കേരളത്തില്‍ പ്രതിസന്ധി സൃഷ്ടിച്ചേക്കും.

കേരളം കെ റെയിലില്‍ നിന്നു പിന്‍മാറിയെന്ന് കേന്ദ്രസര്‍ക്കാറിനെ അറിയിച്ചാല്‍ ബദല്‍ പദ്ധതിക്ക് അനമുതി നല്‍കുമെന്നും അദ്ദേഹം പറഞ്ഞു. ജാള്യത കാരണമാണ് അത്തരമൊരു നീക്കവുമായി കേരളം മുന്നോട്ട് പോവാത്തതെന്നും സംസ്ഥാനത്ത് സെമി സ്പീഡ് റെയില്‍ പദ്ധതിയാണ് നടപ്പാക്കാന്‍ ശ്രമിക്കേണ്ടതെന്നും അദ്ദേഹം പറഞ്ഞു.