തിരുവനന്തപുരം: കെഎസ്ആർടിസി സ്കാനിയ ബസിൽ പാമ്പിനെ കടത്തിയ സംഭവത്തിൽ രണ്ട് ജീവനക്കാരെ സസ്പെൻഡ് ചെയ്തു. അനധികൃതമായി പാഴ്സൽ കടത്തുന്നതായി ലഭിച്ച വിവരം അടിസ്ഥാനമാക്കി കെഎസ്ആർടിസി വിജിലൻസ് വിഭാഗം നടത്തിയ പരിശോധനയിലാണ് നടപടി.

ബെംഗളൂരുവിൽ നിന്ന് തിരുവനന്തപുരത്തേക്ക് വരുന്ന സ്കാനിയ ബസിൽ സ്ഥിരമായി അനധികൃത പാഴ്സലുകൾ എത്തിക്കപ്പെടുന്നു എന്ന വിവരം ലഭിച്ചതിനെ തുടർന്ന് വിജിലൻസ് സംഘം ബസ് തടഞ്ഞ് പരിശോധന നടത്തി. ഇതിൽ പക്ഷിയാണെന്ന് ജീവനക്കാർ പറഞ്ഞ പാഴ്സലിനുള്ളിൽ വീട്ടിൽ വളർത്തുന്ന ഇനത്തിൽപെട്ട പാമ്പാണെന്ന് വ്യക്തമായി. തുടർന്നാണ് പൊലീസ് കേസെടുത്തത്.

അനധികൃത പാഴ്സലുകൾ ജീവനക്കാർ കൈക്കൂലി വാങ്ങി കടത്തുന്നുവെന്നാണ് ആരോപണം. പാഴ്സൽ വാങ്ങാനെത്തിയയാളെ ചോദ്യം ചെയ്ത ശേഷം വിട്ടയച്ചതായും കേസിൽ അധികൃതർ തുടർനടപടികൾ സ്വീകരിക്കുമെന്നും പൊലീസ് അറിയിച്ചു.

Thiruvananthapuram: Two KSRTC employees were suspended after a vigilance inspection revealed the illegal transport of a snake in a Scania bus from Bengaluru to Thiruvananthapuram. The parcel was initially claimed to contain a bird, but upon inspection, it was found to be a pet snake. The case has been handed over to the police for further investigation.