ദുബൈ: ചെറിയ പെരുനാൾ അവധിക്കാലത്തെ തിരക്ക് പരി​ഗണിച്ച് എമിറേറ്റ്സ് മാർച്ച് 26 മുതൽ ഏപ്രിൽ 6 വരെ ജിസിസി, മിഡിൽ ഈസ്റ്റ് ലക്ഷ്യസ്ഥാനങ്ങളിലേക്ക് 17 അധിക വിമാന സർവിസുകൾ നടത്തും.

ഈ അവധിക്കാലത്ത് 371,000-ത്തോളം യാത്രക്കാർ എയർലൈനിൽ യാത്ര ചെയ്യുമെന്നാണ് പ്രതീക്ഷിക്കുന്നത്. അതിനാൽ തന്നെ ജിദ്ദ, കുവൈത്ത്, ദമ്മാം, അമ്മാൻ എന്നിവിടങ്ങളിലേക്ക് അധിക സർവിസുകൾ ഒരുക്കിയിട്ടുണ്ടെന്ന് എമിറേറ്റ്സ് അറിയിച്ചു. ഈ വിപുലീകരിച്ച ഫ്ലൈറ്റ് ഷെഡ്യൂൾ നാട്ടിലേക്ക് മടങ്ങുന്ന, അല്ലെങ്കിൽ പുതിയ ലക്ഷ്യസ്ഥാനങ്ങൾ പര്യവേക്ഷണം ചെയ്യാൻ ആ​ഗ്രഹിക്കുന്ന യാത്രക്കാർക്ക് കുടുംബവും പ്രിയപ്പെട്ടവരുമായി ഒത്തുചേരാനും അവധിക്കാല വിനോദ യാത്രകൾ നടത്താനും അവസരങ്ങൾ നൽകുന്നു.

എമിറേറ്റ്സ് അമ്മാനിലേക്ക് ആറ് വിമാനങ്ങളും ദമ്മാമിനും ദുബൈക്കും ഇടയിൽ അഞ്ച് വിമാനങ്ങളും കൂടി ആരംഭിക്കും. ജിദ്ദയിൽ നിന്ന് നാല് അധിക വിമാനങ്ങൾ സർവിസ് നടത്തും, കുവൈത്തിൽ നിന്നുള്ള ഫ്ലൈറ്റ് ഷെഡ്യൂളിൽ രണ്ട് അധിക സർവിസുകൾ കൂട്ടിച്ചേർക്കുകയും ചെയ്യും. 

ഈ അധിക സർവിസുകൾ ദുബൈയിലേക്കും, തായ്ലാന്റിലെ ബാങ്കോക്ക്, ഫുക്കെറ്റ് തുടങ്ങിയ ലക്ഷ്യസ്ഥാനങ്ങളിലേക്കും, യുകെ, അമേരിക്കയിലെ വിവിധ നഗരങ്ങൾ, സൗത്ത് ആഫ്രിക്ക, മുംബൈ, കറാച്ചി, കെയ്റോ തുടങ്ങിയ നഗരങ്ങളിലേക്കുമുള്ള യാത്രകൾ എളുപ്പമാക്കുന്നുവെന്ന് പ്രസ്താവനയിൽ പറയുന്നു.

In anticipation of the holiday rush during the small Eid break, Emirates will operate 17 additional flights to GCC and Middle East destinations between March 26 and April 6. This move is aimed at accommodating the increased demand for travel during the festive period.