ദുബൈ: ഇന്ത്യയേക്കാൾ കുറഞ്ഞ നിരക്കിലാണ് ദുബൈയിൽ സ്വർണം ലഭിക്കുന്നത്. അതിനാലാണ് നിരവധി പേർ അവിടെ നിന്നും ഇന്ത്യയിലേക്ക് സ്വർണം കൊണ്ടുവരുന്നത്. എന്നാൽ പലപ്പോഴും നിയമപരമായ പരിധി ലംഘിച്ച് നടത്തുന്ന സ്വർണക്കടത്തുകൾ കസ്റ്റംസ് പിടികൂടുന്നത് വാർത്തയാകാറുണ്ട്. അത്തരത്തിൽ അവശ്യം അറിയേണ്ട നിയമപരമായ ചില കാര്യങ്ങളിലേക്കാണ് ഈ റിപ്പോർട്ട് ശ്രദ്ധതിരിക്കുന്നത്.

 എത്ര സ്വർണം കൊണ്ടുവരാനാണ് അനുമതി?

പുരുഷന്മാർക്ക്: കസ്റ്റംസ് തീരുവ ഇല്ലാതെ 20 ഗ്രാം വരെ.

സ്ത്രീകൾക്ക്: കസ്റ്റംസ് തീരുവ ഇല്ലാതെ 40 ഗ്രാം വരെ.

15 വയസ്സിന് താഴെയുള്ള കുട്ടികൾക്ക്: കസ്റ്റംസ് തീരുവ ഇല്ലാതെ 40 ഗ്രാം വരെ.

ഇവയുടെ മൂല്യം പുരുഷന്മാർക്ക് 50,000- രൂപയും സ്ത്രീകൾക്ക് 1,00,000-രൂപയും കവിയരുത്.

 പരിധി കവിയുമ്പോൾ കസ്റ്റംസ് തീരുവ എത്ര?

പുരുഷൻ (20–50 ഗ്രാം) / സ്ത്രീ (40–100 ഗ്രാം): 3% തീരുവ

പുരുഷൻ (50–100 ഗ്രാം) / സ്ത്രീ (100–200 ഗ്രാം): 6% തീരുവ

പുരുഷൻ (100 ഗ്രാമിന് മുകളിൽ) / സ്ത്രീ (200 ഗ്രാമിന് മുകളിൽ): 10% തീരുവ

 സ്വർണം കൊണ്ടുവരുമ്പോൾ ശ്രദ്ധിക്കേണ്ടത്:

അംഗീകൃത ഡീലർമാരിൽ നിന്നു മാത്രം വാങ്ങുക – കൃത്യമായ ബിൽ ഉൾപ്പെടെ രേഖകൾ സൂക്ഷിക്കുക.

ബില്ലുകളും വ്യക്തിഗത രേഖകളും കയ്യിലുണ്ടാകണം – പാസ്‌പോർട്ടും വിസയും ഉൾപ്പെടെ.

സ്വർണ്ണാഭരണങ്ങൾ തെരഞ്ഞെടുക്കുക – സ്വർണം കട്ടികൾ ആക്കാതെ ആഭരണങ്ങളായാൽ കസ്റ്റംസ് പരിശോധന കുറയ്ക്കാൻ സഹായിക്കും.

സ്വർണം സ്വയം ധരിച്ച് കൊണ്ടുവരുന്നത് മാത്രമാണ് നിയമപരമായി അനുവദിച്ചിരിക്കുന്നത്.

 ദുബൈയിൽ സ്വർണ്ണ വില കുറയാൻ കാരണങ്ങൾ?

വാറ്റ് ഇല്ലാത്ത കയറ്റുമതി

കുറഞ്ഞ നിർമ്മാണ ചെലവ്

ഇന്ത്യയുമായി താരതമ്യപ്പെടുത്തുമ്പോൾ ഏകദേശം 8%–9% വിലക്കുറവ്

വിപണിയിലെ വിലക്കുറവും കസ്റ്റംസ് നിയന്ത്രണങ്ങളുമെല്ലാം പരിഗണിച്ചാണ് സ്വർണം ദുബൈയിൽ നിന്ന് ഇന്ത്യയിലേക്ക് കൊണ്ടുവരുമ്പോൾ മുന്നോട്ടുപോകേണ്ടത്. നിയമപരമായ പരിധികളിൽ നിന്ന് വിട്ടുമാറുകയാണെങ്കിൽ കർശന നടപടികൾ നേരിടേണ്ടിവരുമെന്നും കസ്റ്റംസ് അധികൃതർ മുന്നറിയിപ്പ് നൽകുന്നുണ്ട്.

Gold is cheaper in Dubai than in India by around 8–9%, mainly due to the absence of VAT on exports and lower making charges. This price difference makes Dubai a popular destination for buying gold. However, Indian customs rules restrict the amount of gold one can legally bring into the country. Men can carry up to 20 grams, and women up to 40 grams, without paying customs duty. Exceeding these limits attracts duties ranging from 3% to 10%, depending on the weight. Travelers are advised to buy only from authorized dealers, carry proper bills and documents, and prefer jewellery over gold bars to avoid scrutiny.