ഇടുക്കി ജില്ലയിലെ ഉപ്പുതറയില്‍ ഒരു കുടുംബത്തിലെ നാല് പേരെ തൂങ്ങി മരിച്ച നിലയില്‍ കണ്ടെത്തിയ സംഭവം ആത്മഹത്യയെന്ന് പോസ്റ്റ്‌മോര്‍ട്ടത്തിലെ പ്രാഥമിക നിഗമനം. കുട്ടികളെ കെട്ടിതൂക്കിയ ശേഷം മാതാപിതാക്കള്‍ തൂങ്ങിമരിച്ചതായാണ് പൊലിസിന്റെ പ്രാഥമിക നിഗമനം. മരണമടഞ്ഞ രേഷ്മ രണ്ട് മാസം ഗര്‍ഭിണിയായിരുന്നെന്നും പോസ്റ്റ്‌മോര്‍ട്ടത്തില്‍ വ്യക്തമായി. ഉപ്പുതറ സ്വദേശികളായ സജീവ് മോഹനന്‍, ഭാര്യ രേഷ്മ, മക്കളായ ദേവന്‍, ദിയ എന്നിവരെ വീടിനുള്ളില്‍ തൂങ്ങി മരിച്ച നിലയില്‍ കണ്ടെത്തിയത് ഇന്നലെയായിരുന്നു. 

ആത്മഹത്യയുമായി ബന്ധപ്പെട്ട് കുടുംബാംഗങ്ങള്‍ ചില ആരോപണങ്ങള്‍ ഉന്നയിച്ചിരുന്നു. ഇത് കണക്കിലെടുത്ത് ഉപ്പുതറ പൊലിസ് വിശദമായ അന്വേഷണം നടത്തിവരികയാണ്. ആത്മഹത്യയ്ക്ക് പിന്നില്‍ മറ്റെന്തെങ്കിലും കാരണങ്ങളുണ്ടോ എന്നറിയാന്‍ കുടുംബാംഗങ്ങളുടെയും സുഹൃത്തുക്കളുടെയും ബന്ധുക്കളുടെയും മൊഴി രേഖപ്പെടുത്തുന്നുണ്ട്. കൂടാതെ, കട്ടപ്പനയില്‍ പ്രവര്‍ത്തിക്കുന്ന ഒരു ധനകാര്യ സ്ഥാപനമാണ് മരണത്തിന് കാരണമെന്ന് ഇവരുടെ ആത്മഹത്യ കുറിപ്പില്‍ വ്യക്തമാക്കിയിരുന്നു, അതിനാല്‍ തന്നെ ഈ ധനകാര്യ സ്ഥാപനത്തില്‍ നിന്നും വിവരങ്ങള്‍ ശേഖരിക്കാന്‍ പൊലിസ് തീരുമാനിച്ചിട്ടുണ്ട്.

വൈകിട്ട് നാലരയോടെയായിരുന്നു അമ്മ സുലോചന വീട്ടിൽ എത്തിയത്. എന്നാൽ വാതിൽ അടഞ്ഞുകിടക്കുകയായിരുന്നു. കുറേ തവണ മുട്ടി വിളിച്ചിട്ടും വാതിൽ തുറന്നില്ല. തുടര്‍ന്ന് അയൽവാസിയുടെ സഹായത്തോടെ വാതിൽ പൊളിച്ചാണ് വീട്ടിലേക്ക് കയറിയത്. അകത്ത് കടന്ന് നോക്കിയപ്പോൾ ഹാളിൽ നാലുപേരെയും തൂങ്ങിക്കിടക്കുന്ന നിലയിൽ കണ്ടെത്തുകയായിരുന്നു.

ആത്മഹത്യക്ക് കാരണം കടബാധ്യതയാണെന്നാണ് പൊലിസിന്റെ പ്രാഥമിക നിഗമനം. ഓട്ടോറിക്ഷയ്ക്ക് എടുത്തിട്ടുള്ള വായ്പയുമായി ബന്ധപ്പെട്ട് സ്വകാര്യ ധനകാര്യ സ്ഥാപനത്തിന്റെ ഭീഷണി ഉണ്ടായിരുന്നതായി മരിച്ച സജീവിന്റെ പിതാവ് ആരോപിച്ചിരുന്നു. കട്ടപ്പനയിൽ പ്രവർത്തിക്കുന്ന ഒരു ധനകാര്യ സ്ഥാപനമാണ് മരണത്തിന് കാരണമെന്നും മറ്റാർക്കും ഇതുമായി ബന്ധമില്ലെന്നും പറയുന്ന ആത്മഹത്യക്കുറിപ്പ് ലഭിച്ചെന്നും ജില്ലാ പൊലിസ് മേധാവി ടി.കെ. വിഷ്ണു പ്രദീപ് വ്യക്തമാക്കി.

The postmortem report of the shocking salt pan collective suicide case has been released, confirming that all four individuals died by hanging. Tragically, one of the victims, Ramesha, was two months pregnant. The incident has raised serious concerns about domestic violence and mental health in the region. Authorities continue to investigate the circumstances leading to this heartbreaking event.