മലപ്പുറം: നിലമ്പൂർ ഉപതെരഞ്ഞെടുപ്പിലേക്കുള്ള യുഡിഎഫ് സ്ഥാനാർഥി പ്രഖ്യാപനം നടക്കുന്നവരെ മാധ്യമങ്ങളെ കാണില്ലെന്ന് പിവി അൻവർ. ഫേസ്ബുക്ക് കുറിപ്പിലൂടെയാണ് അൻവർ ഇക്കാര്യം പുറത്തുവിട്ടത്. മാധ്യമങ്ങളുമായുള്ള ആശയവിനിമയങ്ങൾ താത്ക്കാലികമായും ഇപ്പോൾ മുതൽ പൂർണമായും വിച്ഛേദിക്കുന്നുവെന്നാണ് അൻവർ ഫേസ്ബുക്കിലൂടെ അറിയിച്ചത്. 

പിവി അൻവറിന്റെ ഫേസ്ബുക്ക് കുറിപ്പിന്റെ പൂർണരൂപം
  
നിലമ്പൂർ ഉപതിരഞ്ഞെടുപ്പിലേക്കുള്ള ഐക്യ ജനാധിപത്യ മുന്നണിയുടെ(UDF)സ്ഥാനാർത്ഥി പ്രഖ്യാപനം ഉണ്ടാകുന്നതുവരെ പത്രമാധ്യമങ്ങളുമായുള്ള ആശയവിനിമയം താൽക്കാലികമായി ഇപ്പോൾ മുതൽ പൂർണ്ണമായും വിച്ഛേദിക്കുകയാണ്. പ്രിയപ്പെട്ട പത്രമാധ്യമ സുഹൃത്തുക്കൾ സഹകരിക്കണമെന്ന് അഭ്യർത്ഥിക്കുന്നു. "ചിന്തിക്കുന്നവർക്ക്"ദൃഷ്ടാന്തമുണ്ട്. പി.വി അൻവർ

Nilambur by-election PV Anwar will not meet the media until the UDF candidate is announced