തിരുവനന്തപുരം: മണക്കാടിൽ ഷവർമ്മ കഴിച്ച 20 ആളുകൾക്ക് ഭക്ഷ്യവിഷബാധ. ഇസ്താംബുൾ ഗ്രിൽസ് ആൻഡ് റോൾസിൽ നിന്നും ഷവർമ്മ കഴിച്ചവർക്കാണ് ഭക്ഷ്യവിഷബാധ ഉണ്ടായത്. വെള്ളിയാഴ്ച വൈകുന്നേരമാണ് ഇവർ ഷവർമ്മ കഴിച്ചത്. ഇതിനു പിന്നാലെ ശനിയാഴ്ച്ച രാവിലെ ഛർദ്ദി, പനി, വയറുവേദന തുടങ്ങിയ ലക്ഷണങ്ങൾ ഇവർക്ക് അനുഭവപ്പെടുകയായിരുന്നു. 

സംഭവം നടന്നതിന് ശേഷം ഭക്ഷ്യസുരക്ഷ വകുപ്പിലെ ഉദ്യോഗസ്‌ഥർ സ്ഥലത്തെത്തി പരിശോധന നടത്തുകയും സ്ഥാപനം അടച്ചു പൂട്ടുകയും ആയിരുന്നു. വൃത്തിഹീനമായ രീതിയിലാണ് ഇവിടെ ഭക്ഷണം പാകം ചെയ്തതെന്ന് ഉദ്യോഗസ്‌ഥർ കണ്ടെത്തുകയായിരുന്നു.

ഷവർമ്മയും സോസുകളും ഉൾപ്പടെയുള്ള ഭക്ഷണ സാമ്പിളുകൾ വിദഗ്ദ്ധമായ പരിശോധനക്കായി അയച്ചിട്ടുണ്ട്. കേടായ മാംസം ഉപയോഗിച്ചതോ ചേരുവകൾ വൃത്തിയില്ലാത്ത രീതിയിൽ കൈകാര്യം ചെയ്തതോ ആവാം ഇതിനു കാരണമെന്നാണ് വിലയിരുത്തൽ. 

20 people get food poisoning after eating shawarma in Thiruvananthapuram Food Safety Department closes establishment