കോഴിക്കോട്: പന്തീരങ്കാവ് - കോഴിക്കോട് റൂട്ടില്‍ സ്വകാര്യ ബസില്‍ യാത്രക്കാരന്റെ ഗുണ്ടായിസം. സ്വകാര്യ ബസില്‍ മറ്റൊരു യാത്രക്കാരന് നേരെയാണ് മര്‍ദനമുണ്ടായത്. പന്തീരാങ്കാവ് - കോഴിക്കോട് റൂട്ടില്‍ സര്‍വീസ് നടത്തുന്ന ബസിലാണ് സംഭവം. പിന്‍സീറ്റില്‍ യാത്ര ചെയ്തിരുന്ന മറ്റൊരു ബസിലെ ഡ്രൈവര്‍ പറമ്പില്‍ബസാര്‍ സ്വദേശി റംഷാദാണ് അടുത്തിരുന്ന യാത്രക്കാരനെ മര്‍ദിച്ചത്.

 പ്രതിയെ കസബ പൊലിസ് കസ്റ്റഡിയിലെടുത്തു. മാങ്കാവ് സ്വദേശിയായ നിഷാദിനാണ് മര്‍ദനത്തില്‍ പരിക്കേറ്റത്. തോളില്‍ കൈവച്ചു പോയതിലെ തര്‍ക്കമാണ് മര്‍ദനത്തിനു കാരണമെന്നാണ് വിവരം.