റിയാദ്: സ്വകാര്യ മേഖലയിലെ ടൂറിസം സ്ഥാപനങ്ങളിലെ 41 തൊഴിലുകള്‍ സ്വദേശിവല്‍ക്കരിക്കാന്‍ സഊദി അറേബ്യ.

ടൂറിസം മന്ത്രാലയവുമായി സഹകരിച്ച് മൂന്ന് ഘട്ടങ്ങളിലായി തീരുമാനം നടപ്പിലാക്കാന്‍ കഴിയുമെന്നാണ് മാനവ വിഭവശേഷി സാമൂഹിക വികസന മന്ത്രാലയം കണക്കുകൂട്ടുന്നത്. പദ്ധതിയുടെ ആദ്യ ഘട്ടം 2026 ഏപ്രില്‍ 22ന് ആരംഭിക്കും. രാജ്യത്തുടനീളം സ്വദേശി പൗരന്മാര്‍ക്ക് കൂടുതല്‍ തൊഴിലവസരങ്ങള്‍ സൃഷ്ടിക്കാനുള്ള സര്‍ക്കാരിന്റെ ശ്രമങ്ങളുടെ ഭാഗമായാണിത്. ALSO READ: തൊഴില്‍ നിയമങ്ങള്‍ കര്‍ശനമാക്കി സഊദി; ഏത് സമയത്തും പരിശോധന, നിയമലംഘനം പതിവാക്കുന്ന കമ്പനികളില്‍ ഉദ്യോഗസ്ഥര്‍ ഇടയ്ക്കിടെ കയറിയിറങ്ങും | Saudi labor inspection rules

ഹോട്ടല്‍ മാനേജര്‍, ഹോട്ടല്‍ ഓപ്പറേഷന്‍സ് മാനേജര്‍, ഹോട്ടല്‍ കണ്‍ട്രോള്‍ മാനേജര്‍, ട്രാവല്‍ ഏജന്‍സി മാനേജര്‍, പ്ലാനിംഗ് ആന്‍ഡ് ഡെവലപ്‌മെന്റ് മാനേജര്‍, ടൂറിസം ഡെവലപ്‌മെന്റ് സ്‌പെഷ്യലിസ്റ്റ്, ടൂറിസ്റ്റ് ഗൈഡ് സ്‌പെഷ്യലിസ്റ്റ്, ടൂറിസ്റ്റ് ഓര്‍ഗനൈസര്‍, ഹോട്ടല്‍ സ്‌പെഷ്യലിസ്റ്റ്, സൈറ്റ് ഗൈഡ്, പര്‍ച്ചേസിംഗ് സ്‌പെഷ്യലിസ്റ്റ്, സെയില്‍സ് സ്‌പെഷ്യലിസ്റ്റ്, ഹോട്ടല്‍ റിസപ്ഷനിസ്റ്റ് എന്നിവയടക്കം 41 തൊഴിലുകളിലാണ് സഊദിവല്‍ക്കരണം നടത്തുക.

സഊദിവല്‍ക്കരണ തീരുമാനം നടപ്പിലാക്കുന്നതിന്റെ ആദ്യ ഘട്ടം 2026 ഏപ്രില്‍ 22 ന് ആരംഭിക്കും. രണ്ടാം ഘട്ടം 2027 ജനുവരി 3 നും മൂന്നാമത്തെയും അവസാനത്തെയും ഘട്ടം 2028 ജനുവരി 2 നും ആരംഭിക്കും. ഈ തീരുമാനം എല്ലാ സ്വകാര്യ  മേഖലയിലെ എല്ലാ ടൂറിസം സ്ഥാപനങ്ങള്‍ക്കും ബാധകമായിരിക്കും.

സഊദിവല്‍ക്കരണം കണക്കാക്കുന്നതിനുള്ള സംവിധാനത്തെക്കുറിച്ചും നിയമലംഘകര്‍ക്കുള്ള നിശ്ചിത ശിക്ഷകളെക്കുറിച്ചും തൊഴിലുടമകളെയും സ്ഥാപനങ്ങളെയും അറിയിക്കുന്നതിനായി, സഊദിവല്‍ക്കരണത്തിന് വിധേയമാക്കാന്‍ പോകുന്ന തൊഴിലുകള്‍, സഊദിവല്‍ക്കരണത്തിന്റെ ശതമാനം മുതലായവ ഉള്‍പ്പെടെയുള്ള തീരുമാനത്തെക്കുറിച്ചുള്ള വിശദമായ അറിയിപ്പ് ഉള്‍ക്കൊള്ളുന്ന ഒരു ഗൈഡ് മാനവ വിഭവശേഷി സാമൂഹിക വികസന മന്ത്രാലയം വെബ്‌സൈറ്റില്‍ പുറത്തിറക്കിയിട്ടുണ്ട്. ALSO READ: ലണ്ടനില്‍ പഠിക്കുന്നതിനിടെ അപകടം, 20 വര്‍ഷമായി കോമയില്‍, കഴിഞ്ഞദിവസം 36 -ാം ജന്മദിനം; സഊദി രാജകുടുംബത്തിലെ നോവായി 'ഉറങ്ങുന്ന രാജകുമാരന്‍'

സ്വന്തം പൗരന്മാരെ പിന്തുണയ്ക്കുകയും വിവിധ മേഖലകളില്‍ അവരുടെ തൊഴിലവസരങ്ങള്‍ വര്‍ധിപ്പിക്കുകയും ചെയ്യുക എന്ന തൊഴില്‍ വിപണി തന്ത്രത്തിന്റെ ലക്ഷ്യങ്ങള്‍ കൈവരിക്കുന്നതിനായി തൊഴിലുകളിലെ സഊദിവല്‍ക്കരണത്തിന്റെ ശതമാനം ഉയര്‍ത്താനുള്ള MHRSD യുടെ ശ്രമങ്ങളുടെ തുടര്‍ച്ചയാണ് ഈ തീരുമാനം എന്നത് ഏറെ ശ്രദ്ധേയമാണ്.

In a significant move, Saudi Arabia announces the nationalization of 41 roles in the tourism sector — impacting thousands of expatriate workers. Here’s what it means for the industry and foreign employees.