കൊച്ചി: ട്രെയിനിൽ എത്തുന്ന യാത്രക്കാർക്ക് ഇനി ടാക്സിക്കായി കാത്ത് മുഷിഞ്ഞ് നിൽക്കേണ്ട. കാസർകോട് മുതൽ പൊള്ളാച്ചി വരെയുള്ള 15 റെയിൽവേ സ്റ്റേഷനുകളിൽ ഇലക്ട്രിക് ഇരുചക്രവാഹനങ്ങൾ (ഇ-സ്കൂട്ടർ) വാടകയ്ക്ക് ലഭിക്കും. മംഗളൂരുവിൽ കരാർ നൽകി പദ്ധതി ആരംഭിച്ചു.

കോഴിക്കോട്, എറണാകുളം ടൗൺ തുടങ്ങിയ പ്രധാന സ്റ്റേഷനുകൾ മുതൽ ഫറൂഖ്, പരപ്പനങ്ങാടി പോലുള്ള ചെറിയ സ്റ്റേഷനുകൾ വരെ ഇ-സ്കൂട്ടറുകൾ എത്തും. മണിക്കൂർ, ദിവസ വാടക അടിസ്ഥാനത്തിലാണ് വാഹനങ്ങൾ നൽകുക. വാഹനങ്ങൾ സൂക്ഷിക്കാനുള്ള സ്ഥലം റെയിൽവേ ഒരുക്കും. കരാറുകാരാണ് പദ്ധതി നടപ്പാക്കുന്നത്.

വാഹനം വാടകയ്ക്ക് എടുക്കുന്നവരുടെ ആധാർ കാർഡ്, ഡ്രൈവിങ് ലൈസൻസ് തുടങ്ങിയ രേഖകൾ പരിശോധിക്കും. തിരുവനന്തപുരം ഡിവിഷനിൽ എറണാകുളം, തിരുവനന്തപുരം തുടങ്ങിയ സ്റ്റേഷനുകളിൽ നേരത്തെ ബൈക്ക് വാടക സേവനം നടപ്പാക്കിയിട്ടുണ്ട്.

ഹെൽമെറ്റുകൾ, വേഗപരിധി നിയന്ത്രണം, ജിയോഫെൻസിങ് തുടങ്ങിയ സുരക്ഷാ സംവിധാനങ്ങളോടെയാണ് പദ്ധതി. 24 മണിക്കൂറും സേവനം ലഭ്യമാകുമെന്നതാണ് മറ്റൊരു പ്രത്യേകത.

ഇ-സ്കൂട്ടർ ലഭിക്കുന്ന സ്റ്റേഷനുകൾ:

പൊള്ളാച്ചി, ഒറ്റപ്പാലം, നിലമ്പൂർ, കോഴിക്കോട്, തിരൂർ, ഫറൂഖ്, പരപ്പനങ്ങാടി, വടകര, മാഹി, തലശ്ശേരി, കണ്ണൂർ, പയ്യന്നൂർ, കാഞ്ഞങ്ങാട്, കാസർകോട്, മംഗളൂരു ജങ്ഷൻ, എറണാകുളം ടൗൺ.

Indian Railways introduces a 24-hour e-scooter rental service at 15 stations from Kasaragod to Pollachi, including Kozhikode and Ernakulam Town. Aimed at easing travel, the service offers hourly and daily rentals with safety features like helmets, speed limits, and geofencing. Passengers can rent e-scooters after document verification, with storage provided by the railway and operations managed by contractors.