പാലക്കാട്: ഷൊര്‍ണൂരില്‍ നിന്നും മൂന്ന് വിദ്യാര്‍ത്ഥിനികളെ കാണാതായി. മൂന്ന് പേര്‍ക്കും 16 വയസാണ് പ്രായം. കൂനത്തറ സ്വദേശി ശാസ്ത, കൈലിയാട് സ്വദേശി അനുഗ്രഹ, ദേശമംഗലം സ്വദേശി കീര്‍ത്തന എന്നിവരെയാണ് കാണാതായത്.

ഷൊര്‍ണൂര്‍ സെന്റ് തെരേസ കോണ്‍വെന്റ് സ്‌കൂളിലെ പത്താം ക്ലാസ് വിദ്യാര്‍ത്ഥിനികളാണ് മൂവരും. ദേശമംഗലത്തെ ഒരു സഹപാഠിയെ കാണാനെന്ന പേരില്‍ വീട്ടില്‍ നിന്ന് പുറപ്പെട്ടതായാണ് വിവരം.

ഷൊര്‍ണൂര്‍, ചെറുതുരുത്തി പൊലിസ് സ്റ്റേഷനുകളിലാണ് ബന്ധുക്കള്‍ പരാതി നല്‍കിയത്. പരാതിയുടെ അടിസ്ഥാനത്തില്‍ പൊലിസ് നടത്തിയ അന്വേഷണത്തില്‍ കാണാതായവരുടെ മൊബൈല്‍ ഫോണുകളുടെ അവസാന ലൊക്കേഷന്‍ കോയമ്പത്തൂര്‍ ജില്ലയിലെ ഉക്കടം ആണെന്ന് കണ്ടെത്തി. ഈ പ്രദേശം കേന്ദ്രീകരിച്ചാണ് നിലവില്‍ അന്വേഷണം നടക്കുന്നത്. മൂന്ന് പെണ്‍കുട്ടികളെയും കണ്ടെത്താന്‍ പൊലിസ് ശ്രമം തുടര്‍ന്നുകൊണ്ടിരിക്കുകയാണ്.

Three 16-year-old students—Shasta (Koonathara), Anugraha (Kailiyad), and Keerthana (Deshamangalam)—have gone missing from Shornur, Palakkad. Police have launched a search operation after complaints were filed at Shornur and Cheruthuruthi stations. The girls, Class 10 students at St. Theresa's Convent, reportedly left home to visit a classmate.