ദുബൈ: രാജ്യത്തേക്ക് വൻതോതിൽ മയക്കുമരുന്ന് കടത്താൻ ശ്രമിച്ച നാല് പേരെ അറസ്റ്റ് ചെയ്ത് ഒമാൻ. കടൽ മാർഗം രാജ്യത്തേക്ക് വൻതോതിൽ മയക്കുമരുന്ന് കടത്താൻ ശ്രമിച്ച നാല് പേരെയാണ് ഒമാൻ അധികൃതർ അറസ്റ്റ് ചെയ്തത്.

സുൽത്താനേറ്റിന്റെ തീരത്ത് സംശയാസ്പദമായ നിലയിൽ കണ്ടെത്തിയ ഒരു ബോട്ട് കോസ്റ്റ് ഗാർഡ് പൊലിസ് കമാൻഡ് തടഞ്ഞു. കപ്പലിൽ രണ്ട് ഇറാനികൾ, ഒരു അഫ്ഗാൻ, ഒരു പാകിസ്ഥാൻ പൗരൻ എന്നിങ്ങനെ നാല് പേരാണ് ഉണ്ടായിരുന്നത്.  ഇവരിൽ നിന്ന് ​ഗണ്യമായ അളവിൽ മയക്കുമരുന്നുകൾ കണ്ടെടുത്തുവെന്ന് റോയൽ ഒമാൻ പൊലിസ് (ആർ‌ഒ‌പി) പ്രസ്താവനയിൽ വ്യക്തമാക്കി. 

പിടിച്ചെടുത്ത മയക്കുമരുന്നുകളിൽ ക്രിസ്റ്റൽ മെത്ത്, മരിജുവാന, മോർഫിൻ, സൈക്കോട്രോപിക് ഗുളികകൾ എന്നിവ ഉൾപ്പെടുന്നു. പ്രതികളെ കസ്റ്റഡിയിലെടുത്തതായും നിയമനടപടികൾ പുരോഗമിക്കുകയാണെന്നും ആർ‌ഒ‌പി വ്യക്തമാക്കി. 

ലഹരിക്കടത്ത് തടയുന്നതിനും ദേശീയ സുരക്ഷ സംരക്ഷിക്കുന്നതിനുമായി ഒമാൻ അധികാരികൾ നടത്തുന്ന നിരന്തരമായ ശ്രമങ്ങളുടെ ഭാഗമാണ് ഈ ഓപ്പറേഷൻ. രാജ്യത്തിന്റെ സമുദ്രാതിർത്തികൾ നിരീക്ഷിക്കുന്നതിനും സമുദ്രമാർഗ്ഗങ്ങളിലൂടെ നിരോധിത വസ്തുക്കളുടെ കള്ളക്കടത്ത് തടയുന്നതിനുമുള്ള പ്രതിബദ്ധത ആർ‌ഒ‌പി ആവർത്തിച്ചു.

Omani authorities have arrested four expatriates for attempting to smuggle narcotics into the country via sea route. The suspects were caught with a significant quantity of contraband. The incident highlights the ongoing efforts of Omani authorities to combat drug trafficking [1].