മക്ക: ഈ വർഷത്തെ ഹജ്ജിനു ശേഷമുള്ള പുതിയ ഉംറ സീസൺ സഊദി അറേബ്യ ഔദ്യോഗികമായി പ്രഖ്യാപിച്ചു. പുതിയ ഉംറ വിസ ഇഷ്യു ചെയ്യുന്ന തീയതി, ഉംറ തീർത്ഥാടകരെ സഊദിയിലേക്ക് പ്രവേശിപ്പിക്കുന്ന തിയ്യതി എന്നിവ ഉൾപ്പെടുന്ന ഉംറ സീസൺ കലണ്ടർ ആണ് സഊദി ഹജ്ജ്, ഉംറ മന്ത്രാലയം പ്രഖ്യാപിച്ചത്. 

നിലവിലെ ഹിജ്‌റ വർഷം (1446) ദുൽഹജ്ജ് 14 മുതൽ പുതിയ ഉംറ വിസകൾ അനുവദിച്ചു തുടങ്ങും.  അടുത്ത സീസണിൽ വിസകൾ  ഇഷ്യു ചെയ്യുന്ന അവസാന തീയതി അടുത്ത ഹിജ്‌റ വർഷം (1447) ശവ്വാൽ 1 ആയിരിക്കും.

വിദേശത്ത് നിന്ന് എത്തുന്ന ഉംറ തീർത്ഥാടകരെ സഊദി അറേബ്യ നിലവിലെ ഹിജ്റ വർഷം (1446) ദുൽ ഹിജ്ജ 15 മുതൽ സ്വീകരിക്കാൻ തുടങ്ങും. ഇത് അടുത്ത വർഷം ശവ്വാൽ പതിനഞ്ചു വരെ തുടരും. ഉംറ വിസക്കാർ സഊദി വിടാനുള്ള അവസാന തീയതി അടുത്ത വർഷം ഹിജ്റ (1447) ദുൽ ഖഅദ് 15 ആയും നിശ്ചയിച്ചിട്ടുണ്ട്.